ಶೃಂಗೇರಿ ಶಾರದಾ ಪೀಠಕ್ಕೆ ದೇವೇಗೌಡ ಭೇಟಿ

ಶೃಂಗೇರಿ: ಮಾಜಿ ಪ್ರಧಾನಿ ಎಚ್‌.ಡಿ. ದೇವೇಗೌಡ ಶ್ರೀಶಾರದಾಪೀಠದಲ್ಲಿ ಶನಿವಾರ ವಿಶೇಷ ಪೂಜೆ-ಹೋಮ- ಹವನ ಕಾರ್ಯಕ್ರಮದಲ್ಲಿಪಾಲ್ಗೊಂಡರು. ಶುಕ್ರವಾರ ಮಧ್ಯಾಹ್ನ ಬಂದ ಗೌಡರು, ಶ್ರೀಶಾರದಾ ಪೀಠದ ಜಗದ್ಗುರುಗಳಾದ ಶ್ರೀಭಾರತೀತೀರ್ಥ ಸ್ವಾಮೀಜಿ,ಶ್ರೀ ವಿಧುಶೇಖರ ಭಾರತೀ ಸ್ವಾಮೀಜಿ ಅವರ ಆಶೀರ್ವಾದಪಡೆದರು.

ಶ್ರೀಶಾರದಾ ಪೀಠದ ಶಕ್ತಿದೇವತೆಗಳಾದ ಶ್ರೀ ಕಾಳಿಕಾಂಬಾ ದೇವಸ್ಥಾನ, ಶ್ರೀದುರ್ಗಾಂಬಾ ದೇವಸ್ಥಾನಕ್ಕೆ ಭೇಟಿ ನೀಡಿ ಪೂಜೆ ಸಲ್ಲಿಸಿದರು. ಶನಿವಾರ ಶ್ರೀಮಠದ ಶ್ರೀಸುಬ್ರಮಣ್ಯಸ್ವಾಮಿ, ಶ್ರೀವಿದ್ಯಾಶಂಕರ ದೇವಸ್ಥಾನ, ಶ್ರೀಜನಾರ್ಧನ ಸ್ವಾಮಿ, ಶ್ರೀತೋರಣಗಣಪತಿ, ಶ್ರೀಶಂಕರಾಚಾರ್ಯ ದೇಗುಲಕ್ಕೆ ಭೇಟಿ ನೀಡಿದರು.

ಶ್ರೀಮಠದ ಒಳ ಆವರಣದಶ್ರೀಶಕ್ತಿಗಣಪತಿ-ಶ್ರೀ ಶಾರದಾಂಬೆಗೆ ವಿಶೇಷ ಪೂಜೆ ಸಲ್ಲಿಸಿದರು. ಶ್ರೀಮಠದ ಯಾಗಶಾಲೆಯಲ್ಲಿನಡೆಯುತ್ತಿದ್ದ ಸಹಸ್ರ ಚಂಡಿಕಾ ಯಾಗದಪೂರ್ಣಾಹುತಿಯಲ್ಲಿ ದೇವೇಗೌಡ, ಪತ್ನಿಚನ್ನಮ್ಮ, ಮಾಜಿ ಸಚಿವ ಎಚ್‌.ಡಿ.ರೇವಣ್ಣಭಾಗವಹಿಸಿದ್ದರು. ಜಗದ್ಗುರು ಶ್ರೀವಿಧುಶೇಖರ ಭಾರತೀ ಸ್ವಾಮೀಜಿ ಇದ್ದರು.