ಹನೂರು: ಚಿರತೆ ದಾಳಿಗೆ ದನಗಾಹಿ ವೃದ್ಧ, ಕರು ಬಲಿ

ಹನೂರು: ಚಿರತೆ ದಾಳಿಗೆ ದನಗಾಹಿ ವೃದ್ಧ ಮತ್ತು ಒಂದು ಕರು ಮೃತಪಟ್ಟಿರುವ ಘಟನೆ ತಾಲೂಕಿನ ಕೆವಿಎನ್ ದೊಡ್ಡಿ ಗ್ರಾಮದಲ್ಲಿ ಜರುಗಿದೆ.

ಹನೂರು ತಾಲೂಕಿನ ಕೆವಿಎನ್ ದೊಡ್ಡಿ ಗ್ರಾಮದ ನಿವಾಸಿ ಗೋವಿಂದಯ್ಯ (65) ಮೃತಪಟ್ಟ ದನಗಾಹಿ ವೃದ್ಧ ಎಂದು ತಿಳಿದು ಬಂದಿದೆ. ಈತ ದನಗಳನ್ನು ಮೇಯಿಸಲು ತೆರಳಿದ್ದಾಗ ಈ ದುರ್ಘಟನೆ ಸಂಭವಿಸಿದೆ ಎನ್ನಲಾಗಿದೆ.

ಗೋವಿಂದಯ್ಯ ಮನೆಗೆ ಬಾರದಿದ್ದರಿಂದ ಗಾಬರಿಗೊಂಡ ಆತನ ಕುಟುಂಬಸ್ಥರು ಆತನನ್ನು ಹುಡುಕಿಕೊಂಡು ಹೋದಾಗ ಆತನ ಮೃತ ದೇಹ ಪತ್ತೆಯಾಗಿದೆ. ಆತನ ಮೃತ ದೇಹವನ್ನು ನೋಡಲು ಸಾರ್ವಜನಿಕರು ತೆರಳುತ್ತಿದ್ದ ಅದೇ ವೇಳೆಗೆ ಚಿರತೆ ಮತ್ತೊಂದು ಕರುವನ್ನೂ ಸಹ ಹೊತ್ತೊಯ್ದಿದೆ.

ಘಟನೆಯಿಂದ ಗ್ರಾಮಸ್ಥರು ಆತಂಕಗೊಂಡಿದ್ದು, ಕೂಡಲೇ ಚಿರತೆಯನ್ನು ಸೆರೆ ಹಿಡಿಯಲು ಕ್ರಮ ವಹಿಸುವಂತೆ ಆಗ್ರಹಿಸಿದ್ದಾರೆ.