ಮೂಲ ಸೌಲಭ್ಯ ಒದಗಿಸದ ಆರೋಪ: ಮೀನುಗಾರರಿಂದ ಚುನಾವಣೆ ಬಹಿಷ್ಕಾರ

ಪಡುಬಿದ್ರಿ: ಇಲ್ಲಿನ ಉಚ್ಚಿಲ ಬಡಾ ಗ್ರಾಮ ಪಂಚಾಯತ್‌ಗೆ ಒಳಪಡುವ 6 ಮತ್ತು 7ನೇ ವಾರ್ಡಿನ ಬಗ್ಗತೋಟದ ಬಳಿಯ ಮೀನುಗಾರರು ಚುನಾವಣೆ ಬಹಿಷ್ಕಾರದ ಬ್ಯಾನರೊಂದನ್ನು ಅಳವಡಿಸಿ ಗಮನ ಸೆಳೆದಿದ್ದಾರೆ. 

ತಮಗೆ ಮೂಲ ಸೌಲಭ್ಯಗಳು ಸಿಗದಿ ರುವುದು, ಮೀನುಗಾರ ಜನಾಂಗವು ಸಂಪೂರ್ಣ ನಿರ್ಲಕ್ಷ್ಯಕ್ಕೊಳಗಾಗಿ ಇರುವು ದರಿಂದ  ಚುನಾವಣೆ ಬಹಿಷ್ಕಾರದ ಸೂಚನೆ ನೀಡಿದ್ದಾರೆ.

ಕಾಪು ನಗರ ಯೋಜನ ಪ್ರಾಧಿಕಾರದ ವ್ಯಾಪ್ತಿಗೆ ಉಚ್ಚಿಲ ಬಡಾ ಗ್ರಾಮವನ್ನು ಸೇರಿಸಿದ್ದು, ಬಡವರಿಗೆ ಮನೆ ಕಟ್ಟಲು ತೊಂದರೆಯಾಗಿದೆ. ನೀರಿನ ತೋಡಿಗೆ ಸಮುದ್ರದ ಉಪ್ಪು ನೀರು ಹರಿದು ಕುಡಿ ಯುವ ನೀರಿಗೆ ಸಮಸ್ಯೆಯಾಗಿದೆ. ಸಿ.ಆರ್‌.ಝಡ್‌. ವ್ಯಾಪ್ತಿಯಲ್ಲಿ ಮೂಲ ನಿವಾಸಿಗಳಾದ ಮೀನುಗಾರರಿಗೆ ಮತ್ಸಾ ಶ್ರಯ ಸಹಾಯಧನ ಪಡೆಯಲೂ ಅಸಾಧ್ಯವಾಗಿದೆ ಎಂಬುದು ಸ್ಥಳೀಯರ ಗಂಭೀರ ಆರೋಪ.