ನಾಗಾ- ಸರ್ಕಾರ: ಕದನ ವಿರಾಮ ವಿಸ್ತರಣೆ

ನವದೆಹಲಿ: ನಾಗಾಲ್ಯಾಂಡ್‌ನ‌ ಪ್ರಮುಖ ಮೂರು ಬಂಡುಕೋರ ಸಂಘಟನೆಗಳ ಜತೆಗೆ ಹಾಲಿ ಇರುವ ಕದನ ವಿರಾಮವನ್ನು ಕೇಂದ್ರ ಸರ್ಕಾರ ವಿಸ್ತರಿಸಿದೆ.

ನ್ಯಾಷನಲ್‌ ಸೋಶಿಯಲಿಸ್ಟ್‌ ಕೌನ್ಸಿಲ್‌ ಆಫ್ ನಾಗಾಲ್ಯಾಂಡ್‌-ಎನ್‌ಕೆ, ನ್ಯಾಷನಲ್‌ ಸೋಶಿಯಲಿಸ್ಟ್‌ ಕೌನ್ಸಿಲ್‌ ಆಫ್ ನಾಗಾಲ್ಯಾಂಡ್‌-ರಿಫಾರ್ಮೇಷನ್‌ ಮತ್ತು ನ್ಯಾಷನಲ್‌ ಸೋಶಿಯಲಿಸ್ಟ್‌ ಕೌನ್ಸಿಲ್‌ ಆಫ್ ನ್ಯಾಗಾಲ್ಯಾಂಡ್‌-ಕೆ- ಖಾಂಗೋಗಳ ಜತೆಗೆ ಕೇಂದ್ರ ಸರ್ಕಾರ ಕದನ ವಿರಾಮ ಒಪ್ಪಂದ ಮಾಡಿಕೊಂಡಿದೆ.

ಈ ನಿರ್ಧಾರಕ್ಕೆ ಪೂರಕವಾಗಿ ನ್ಯಾಷನಲ್‌ ಸೋಶಿಯಲಿಸ್ಟ್‌ ಕೌನ್ಸಿಲ್‌ ಆಫ್ ನಾಗಾಲ್ಯಾಂಡ್‌- ಐಸಾಕ್‌ ಮುಯ್‌ವಾದ ಪ್ರಧಾನ ಕಾರ್ಯದರ್ಶಿ ಟಿಎಚ್‌ ಮುಯ್‌ವಾ ಅವರು ಶಾಂತಿ ಮಾತುಕತೆಗಾಗಿರುವ ಕೇಂದ್ರದ ವಿಶೇಷ ಪ್ರತಿನಿಧಿ ಎ.ಕೆ.ಮಿಶ್ರಾ ಜತೆಗೆ ಮಾತುಕತೆ ನಡೆಸಿದ ಬೆನ್ನಲ್ಲಿಯೇ ಈ ನಿರ್ಧಾರ ಪ್ರಕಟವಾಗಿದೆ.