Cargo: ಆಗಸದಲ್ಲೇ ಸರಕು ವಿಮಾನದಲ್ಲಿ ಬೆಂಕಿ: ತುರ್ತು ಭೂಸ್ಪರ್ಶ

ಹೊಸದಿಲ್ಲಿ: ಸಂಚಾರ ನಡೆಸುತ್ತಿದ್ದಾಗಲೇ ಅಮೆರಿಕದ ಸರಕು ಸಾಗಣೆ ವಿಮಾನ ಬೋಯಿಂಗ್‌ 747-8ಕ್ಕೆ ಬೆಂಕಿ ಹತ್ತಿಕೊಂಡ ಘಟನೆ ಗುರುವಾರ ನಡೆದಿದೆ. ತತ್‌ಕ್ಷಣ ವಿಮಾನವನ್ನು ಅಮೆರಿಕದ ಮಿಯಾಮಿ ವಿಮಾನ ನಿಲ್ದಾಣದಲ್ಲಿ ತುರ್ತು ಭೂಸ್ಪರ್ಶ ಮಾಡಲಾಗಿದೆ. ಅದೃಷ್ಟವಶಾತ್‌ ಯಾವುದೇ ಅನಾಹುತ ಸಂಭವಿಸಿಲ್ಲ.

ವಿಮಾನದಲ್ಲಿದ್ದ ಎಲ್ಲ ಸಿಬಂದಿ ಅಪಾಯವಿಲ್ಲದೇ ಹೊರಬಂದಿದ್ದಾರೆ. ಈ ಬಗ್ಗೆ ಸಾಮಾಜಿಕ ತಾಣ ಎಕ್ಸ್‌ನಲ್ಲಿ ಕೆಲವು ವೀಡಿಯೋಗಳು ಪ್ರಕಟವಾಗಿವೆ. ಅವುಗಳಲ್ಲಿ ವಿಮಾನ ಹಾರುತ್ತಿರುವಾಗ ಬೆಂಕಿ ಹೊಮ್ಮುತ್ತಿರುವುದು ಕಾಣಿಸಿದೆ. ಘಟನೆಗೆ ಕಾರಣವೇನೆಂದು ತಿಳಿದುಬಂದಿಲ್ಲ.