ಕಾರು ಡಿಕ್ಕಿ: ಧರೆಗುರುಳಿದ ವಿದ್ಯುತ್‌ ಕಂಬ 

ಕುದೂರು: ಚಾಲಕನ ನಿಯಂತ್ರಣ ತಪ್ಪಿ ಕಾರೊಂದು ಟ್ರಾನ್ಸ್‌ಫಾರ್ಮರ್‌ವಿರುವ ವಿದ್ಯುತ್‌ ಕಂಬಕ್ಕೆ ಡಿಕ್ಕಿ ಹೊಡೆದ ಪರಿಣಾಮ, ಟ್ರಾನ್ಸ್‌ಫಾರ್ಮರ್‌ ಮತ್ತು ವಿದ್ಯುತ್‌ ಕಂಬ ಧರೆಗೆ ಉರುಳಿ ಬಿದ್ದಿರುವ ಘಟನೆ ಕುದೂರು ಹೋಬಳಿಯ ಶ್ರೀಗಿರಿಪುರ ಗ್ರಾಮದಲ್ಲಿ ನಡೆದಿದೆ.

ಕುದೂರಿನಿಂದ ಶಿವಗಂಗೆ ರಸ್ತೆಯ ಕಡೆಗೆ ತೆರಳುತ್ತಿದ್ದ ಕಾರು ಏಕಾಏಕಿ ಶ್ರೀಗಿರಪುರ ಗ್ರಾಮದ ತಿರುವಿನಲ್ಲಿ ವಿದ್ಯುತ್‌ ಕಂಬಕ್ಕೆ ಡಿಕ್ಕಿ ಹೊಡೆದ ಪರಿಣಾಮ, ವಿದ್ಯುತ್‌ ಕಂಬ ಮುರಿದು ಟ್ರಾನ್‌ ಫಾರ್ಮರ್‌ ಸಮೇತ ಮುರಿದು ಬಿದಿದ್ದೆ. ಕಂಬಕ್ಕೆ ಡಿಕ್ಕಿ ಹೊಡೆದಿರುವುದರಿಂದ ಕಾರ್‌ ಬಚಾವ್‌ ಆಗಿದೆ. ಒಂದು ವೇಳೆ ಟೀಸಿಗೆ ಕಾರು ಡಿಕ್ಕಿ ಹೊಡೆದಿದ್ದರೆ ಕಾರಿನಲ್ಲಿದ್ದವರು ಸಜೀವ ದಹನವಾಗುವ ಅಪಾಯವಿತ್ತು.

ವಿದ್ಯುತ್‌ ಕಂಬ ಉರುಳಿ ಬಿದ್ದಿರುವ ಘಟನೆಯಿಂದ ಮೂರು ನಾಲ್ಕು ದಿನಗಳಿಂದ 5 ಗ್ರಾಮಗಳಿಗೆ ನೀರು ಸರಬರಾಜು ಸ್ಥಗಿತವಾಗಿದೆ. ಈಸಂಬಂಧ ಗ್ರಾಪಂಗೆ ಮತ್ತು ಬೆಸ್ಕಾಂ ಅಧಿಕಾರಿಗಳಿಗೆ ದೂರು ನೀಡಿದರೂ,ಯಾವುದೇ ಪ್ರಯೋಜನವಾಗಿಲ್ಲಎಂದು ಗ್ರಾಮಸ್ಥರು ಆರೋಪಿಸಿದ್ದಾರೆ.

20 ಸಾವಿರ ರೂ. ಹಣ ವಸೂಲಿ: ಬೆಸ್ಕಾಂ ಅಧಿಕಾರಿಗಳು ಸ್ಥಳಕ್ಕೆ ಆಗಮಿಸಿವಾಹನ ಮಾಲೀಕರಿಂದ 20 ಸಾವಿರ ರೂ. ಹಣ ವಸೂಲಿ ಮಾಡಿಕೊಂಡಿದ್ದಾರೆ. ಆದರೂ ಸಹ ಟಿಸಿ ಮತ್ತು ಕಂಬವನ್ನು ಬದಲಾಯಿಸಿಲ್ಲ ಎಂದು ಗ್ರಾಮಸ್ಥರು ದೂರಿದ್ದಾರೆ. ವಿದ್ಯುತ್‌ ತಂತಿ ಸಮೇತಕಂಬ ಮತ್ತು ಪರಿವರ್ತಕ ಉರುಳಿ ಬಿದ್ದು5 ದಿನ ಕಳೆದರೂ, ಸ್ಥಳಕ್ಕೆ ಬಂದು ಕಂಬ ನಿಲ್ಲಿಸುವ ಕೆಲಸ ಸಿಬ್ಬಂದಿ ಮಾಡಿಲ್ಲ. ಅನಾಹುತ ಸಂಭವಿಸುವ ಮುನ್ನ ಬೆಸ್ಕಾಂ ಅಧಿಕಾರಿಗಳು ಎಚ್ಚೆತ್ತುಕೊಂಡು ಕಂಬಬದಲಾಯಿಸಿ ಕೊಡಬೇಕೆಂದು ಗ್ರಾಮಸ್ಥರು ಒತ್ತಾಯಿಸಿದ್ದಾರೆ.