Road Mishap: ಆಂಧ್ರ ಗಡಿಯಲ್ಲಿ ಮರಕ್ಕೆ ಕಾರು ಢಿಕ್ಕಿ: ಇಬ್ಬರು ವೈದ್ಯರ ಸಹಿತ ಮೂವರ ಸಾವು

ಬಳ್ಳಾರಿ: ನೆರೆಯ ಆಂಧ್ರಪ್ರದೇಶದ ಗಡಿಭಾಗ ವಿಡಪನಕಲ್ಲು ಬಳಿ ರವಿವಾರ ಮುಂಜಾನೆ ಸಂಭವಿಸಿದ ರಸ್ತೆ ಅಪಘಾತದಲ್ಲಿ ಬಳ್ಳಾರಿ ನಗರದ ಇಬ್ಬರು ಖ್ಯಾತ ವೈದ್ಯರು, ಒಬ್ಬ ವಕೀಲ ಸೇರಿ ಮೂವರು ಸ್ಥಳದಲ್ಲೇ ಮೃತಪಟ್ಟಿದ್ದು, ಮತ್ತೂಬ್ಬ ವೈದ್ಯ ಬಿಮ್ಸ್‌ ಆಸ್ಪತ್ರೆಗೆ ದಾಖಲಾಗಿದ್ದಾರೆ.

ಬಿಮ್ಸ್‌ ಆಸ್ಪತ್ರೆಯ ಕ್ಯಾನ್ಸರ್‌ ವೈದ್ಯ ಡಾ| ಗೋವಿಂದರಾಜು (54), ನೇತ್ರ ತಜ್ಞ ಡಾ| ಯೋಗೀಶ್‌ (52), ವಕೀಲ ವೆಂಕಟನಾಯುಡು ಮೃತಪಟ್ಟವರು. ಡಾ| ಅಮರೇಗೌಡ ಪಾಟೀಲ್‌ ಚಿಕಿತ್ಸೆ ಪಡೆಯುತ್ತಿದ್ದಾರೆ.

5 ದಿನಗಳ ಹಿಂದೆ ಬ್ಯಾಂಕಾಕ್‌ಗೆ ತೆರಳಿದ್ದ ಇವರು ಶನಿವಾರ ರಾತ್ರಿ ಬೆಂಗಳೂರಿಗೆ ಆಗಮಿಸಿ ಅಲ್ಲಿಯೇ ಇದ್ದ ತಮ್ಮ ಸ್ವಂತ ಕಾರಿನಲ್ಲಿ ರಾತ್ರಿಯೇ ಬಳ್ಳಾರಿಗೆ ವಾಪಸಾಗುತ್ತಿದ್ದಾಗ ಮರಕ್ಕೆ ಢಿಕ್ಕಿಯಾಗಿದೆ.