ಸಿರಿಯದ ಅಜಾಜ್‌ ಪಟ್ಟಣದಲ್ಲಿ ಕಾರ್‌ ಬಾಂಬ್‌ ದಾಳಿ: 19 ಸಾವು

ಬೇರೂತ್‌ : ಟರ್ಕಿ ಗಡಿಗೆ ತಾಗಿಕೊಂಡಿರುವ,  ಬಂಡುಕೋರರ ವಶದಲ್ಲಿರುವ, ಸಿರಿಯದ ಅಜಾಜ್‌ ಪಟ್ಟದಲ್ಲಿಂದು ನಡೆದ ಕಾರ್‌ ಬಾಂಬ್‌ ದಾಳಿಯಲ್ಲಿ 19 ಮಂದಿ ಮೃತಪಟ್ಟಿದ್ದಾರೆ. 

ಒಂದು ಮಾರ್ಕೆಟ್‌ ಕೂಡ ಇರುವ ಇಸ್ಲಾಮಿಕ್‌ ಕೋರ್ಟ್‌ ಹೌಸ್‌ ಎದುರುಭಾಗದಲ್ಲಿ ನಡೆದ ಈ ದಾಳಿಯಲ್ಲಿ ಡಜನ್‌ಗಟ್ಟಲೆ ಜನರು ಗಾಯಗೊಂಡಿದ್ದಾರೆ ಎಂದು ಬ್ರಿಟನ್‌ನಲ್ಲಿ ನೆಲೆ ಹೊಂದಿರುವ ಸಿರಿಯದ ಮಾನವ ಹಕ್ಕುಗಳ  ವೀಕ್ಷಣಾಲಯದ ಕಾರ್ಯಕರ್ತರೊಬ್ಬರು ತಿಳಿಸಿದ್ದಾರೆ.

ಐಸಿಸ್‌ ಉಗ್ರರ ಸಮೂಹದವರು ಈ ದಾಳಿಯ ಹಿಂದೆ ಇದ್ದಾರೆಂದು ಶಂಕಿಸಲಾಗಿದ್ದು ಮೃತರಲ್ಲಿ 25 ನಾಗರಿಕರು ಹಾಗೂ ವಿರೋಧಿ ಬಣದ ಹೋರಾಟಗಾರರು ಸೇರಿದ್ದಾರೆ.