16 ಹಾಕಿ ಆಟಗಾರರ ಸಾವಿಗೆ ಕಾರಣನಾಗಿದ್ದ ಭಾರತೀಯನ ಗಡಿಪಾರು

ಒಟ್ಟಾವ: 2018ರಲ್ಲಿ ಕೆನಡಾದಲ್ಲಿ ಭೀಕರ ಅಪಘಾತಕ್ಕೆ ಕಾರಣವಾಗಿದ್ದ ಭಾರತೀಯ ಮೂಲದ ಟ್ರಕ್‌ ಚಾಲಕನನ್ನು ಭಾರತಕ್ಕೆ ಗಡಿಪಾರು ಮಾಡಲು ಆದೇಶಿಸಲಾಗಿದೆ.

ಜಸ್ಕಿರತ್‌ ಸಿಂಗ್‌ ಸಿಧು ಟ್ರಕ್‌ ಡ್ರೈವರ್‌ ಆಗಿದ್ದು, ಸಿಗ್ನಲ್‌ ದಾಟಿ ಜ್ಯೂನಿಯರ್‌ ಹಾಕಿ ತಂಡದ ಆಟಗಾರರನ್ನು ಹೊತ್ತೂಯ್ಯುತ್ತಿದ್ದ ಬಸ್‌ಗೆ ಡಿಕ್ಕಿ ಹೊಡೆದಿದ್ದರು. ಈ ದುರಂತದಲ್ಲಿ ಬಸ್‌ನಲ್ಲಿದ್ದ 16 ಆಟಗಾರರು ಮೃತಪಟ್ಟು, 13 ಮಂದಿ ಗಾಯಗೊಂಡಿದ್ದರು.

ಶುಕ್ರವಾರ ವಿಚಾರಣೆ ಬಳಿಕ ಸಿಧು ಗಂಭೀರ ಅಪರಾಧ ಮಾಡಿರುವುದು ದೃಢಪಟ್ಟಿದ್ದು, ಆತ ಕೆನಡಾ ಪ್ರಜೆಯಲ್ಲದ ಕಾರಣ ಆತನನ್ನು ಗಡಿಪಾರು ಮಾಡಲು ನಿರ್ಧರಿಸಲಾಗಿದೆ ಎಂದು ಕೋರ್ಟ್‌ ಹೇಳಿದೆ.