T20 World Cup: ಮೊದಲ ಗೆಲುವು ಕಂಡ ಕೆನಡಾ

ನ್ಯೂಯಾರ್ಕ್‌: ಮೊದಲ ಸಲ ಟಿ20 ವಿಶ್ವಕಪ್‌ ಆಡಲಿಳಿದ ಕೆನಡಾ ಗೆಲುವಿನ ಖಾತೆ ತೆರೆದಿದೆ. ಐರ್ಲೆಂಡ್‌ಗೆ 12 ರನ್‌ ಸೋಲುಣಿಸಿದೆ.

ನ್ಯೂಯಾರ್ಕ್‌ನಲ್ಲಿ ನಡೆದ “ಎ’ ವಿಭಾಗದ ಮುಖಾಮುಖೀಯಲ್ಲಿ ಕೆನಡಾ 7 ವಿಕೆಟಿಗೆ 137 ರನ್‌ ಮಾಡಿದರೆ, ಐರ್ಲೆಂಡ್‌ 7 ವಿಕೆಟ್‌ ಕಳೆದುಕೊಂಡು 125 ರನ್‌ ಗಳಿಸಲಷ್ಟೇ ಶಕ್ತವಾಯಿತು. ಜಾರ್ಜ್‌ ಡಾಕ್ರೆಲ್‌ (ಅಜೇಯ 30), ಮಾರ್ಕ್‌ ಅಡೈರ್‌ (34) ಬ್ಯಾಟಿಂಗ್‌ ಹೋರಾಟ ನಡೆಸಿದರೂ ತಂಡವನ್ನು ದಡ ಮುಟ್ಟಿಸಲು ವಿಫ‌ಲರಾದರು. ಇದರೊಂದಿಗೆ ಐರ್ಲೆಂಡ್‌ ಎರಡರಲ್ಲೂ ಸೋಲನುಭವಿಸಿತು.

ಕೆನಡಾ ಮೊದಲ ಪಂದ್ಯದಲ್ಲಿ ಅಮೆರಿಕ ವಿರುದ್ಧ ಪರಾಭವಗೊಂಡಿತ್ತು.