ಬಂಗಾಲ ಕ್ರಿಕೆಟ್‌: ಗಂಗೂಲಿದ್ವಯರ ಗುದ್ದಾಟ!

ಕೋಲ್ಕತಾ: ಲೋಧಾ ಶಿಫಾರಸಿನ ಪರಿಣಾಮ ಬಂಗಾಳ ಕ್ರಿಕೆಟ್‌ ಸಂಸ್ಥೆಯಲ್ಲಿ ಈಗ ಬಿಕ್ಕಟ್ಟು ಎದುರಾಗಿದೆ. ಅಧ್ಯಕ್ಷ ಸೌರವ್‌ ಗಂಗೂಲಿ ಹಾಗೂ ಕಾರ್ಯದರ್ಶಿ ಸುಬೀರ್‌ ಗಂಗೂಲಿ ನಡುವೆ ಮಾತಿನ ಚಕಮಕಿ ಶುರುವಾಗಿದೆ ಎನ್ನಲಾಗಿದೆ.

ಲೋಧಾ ಶಿಫಾರಸು ಪ್ರಕಾರ ಸುಬೀರ್‌ ಗಂಗೂಲಿ 9 ವರ್ಷದ ಆಡಳಿತ ಅವಧಿ ಅಂತ್ಯವಾಗಿದೆ. ಈ ಕಾರಣದಿಂದ ಸುಬೀರ್‌ ಅವರನ್ನು ಬಂಗಾಲ ಕ್ರಿಕೆಟ್‌ ಸಂಸ್ಥೆಯಿಂದ ಸೌರವ್‌ ಗೇಟ್‌ಪಾಸ್‌ ನೀಡಿದ್ದರು. ಇದರಿಂದಾಗಿ ಸುಬೀರ್‌ ತೀವ್ರ ಅಸಮಾಧಾನಗೊಂಡಿದ್ದಾರೆ. 

“ನನ್ನನ್ನು ಅಧಿಕಾರದಿಂದ ತೆಗೆಯುವುದಾದರೆ ಬಂಗಾಲ ಕ್ರಿಕೆಟ್‌ ಸಂಸ್ಥೆ ಅಧ್ಯಕ್ಷ ಸೌರವ್‌ ಗಂಗೂಲಿ ಕೂಡ ಅಧಿಕಾರದಲ್ಲಿ ಮುಂದೆ ಹೊಂದುವಂತಿಲ್ಲ. ಅವರ ಅವಧಿ ಮುಕ್ತಾಯಗೊಂಡಿದೆ. ಮುಂದಿನ ವರ್ಷ ಅವರು ಸಿಎಬಿಯಲ್ಲಿ ಮುಂದುವರಿಯುವಂತಿಲ್ಲ’ ಎಂದಿದ್ದಾರೆ ಸುಬೀರ್‌.