ಬಿಡಬ್ಲ್ಯುಎಫ್ ವರ್ಲ್ಡ್ ಟೂರ್‌ ಫೈನಲ್‌: ಸತತ 2ನೇ ಸೋಲುಂಡ ಸಿಂಧು

ಗುವಾಂಗ್‌: “ವರ್ಷಾಂತ್ಯದ ಬಿಡಬ್ಲ್ಯುಎಫ್ ವರ್ಲ್ಡ್ ಟೂರ್‌ ಫೈನಲ್‌’ನಲ್ಲಿ ಹಾಲಿ ಚಾಂಪಿಯನ್‌ ಪಿ.ವಿ. ಸಿಂಧು ಸತತ 2ನೇ ಸೋಲುಂಡಿದ್ದಾರೆ. ಗುರುವಾರದ ಪಂದ್ಯದಲ್ಲಿ ಅವರು ಚೀನದ ಚೆನ್‌ ಯುಫಿ ವಿರುದ್ಧ 22-20, 16-21, 12-21 ಅಂತರದಿಂದ ಎಡವಿದರು.

ಮೊದಲ ಪಂದ್ಯದಲ್ಲಿ ಸಿಂಧು ಜಪಾನಿನ ಅಕಾನೆ ಯಮಾಗುಚಿ ವಿರುದ್ಧ ಹಿನ್ನಡೆ ಅನುಭವಿಸಿದ್ದರು. ಈ ಸೋಲಿನಿಂದಾಗಿ ಸಿಂಧು ನಾಕೌಟ್‌ ಸುತ್ತು ಪ್ರವೇಶಿಸುವ ಸಾಧ್ಯತೆ ದೂರವಾಗಿದೆ.

ಎರಡೂ ಪಂದ್ಯಗಳಲ್ಲಿ ಮೊದಲ ಗೇಮ್‌ ಗೆದ್ದ ಬಳಿಕ ಸಿಂಧು ಸೋಲಿನ ಹಾದಿ ಹಿಡಿ ದದ್ದು ಅವರ ಕೈಕೊಟ್ಟ ಫಾರ್ಮ್ಗೆ ಸಾಕ್ಷಿ. ಯುಫಿ ವಿರುದ್ಧ ಮೊದಲ ಗೇಮ್‌ನಲ್ಲಿ 17-20ರ ಹಿನ್ನಡೆಯಲ್ಲಿದ್ದರೂ ಅಮೋಘ ಹೋರಾಟ ತೋರ್ಪಡಿಸಿ ಮೇಲುಗೈ ಸಾಧಿಸಿದರು. ಆದರೆ ಅನಂತರ ಇದೇ ಜೋಶ್‌ ತೋರುವಲ್ಲಿ ವಿಫ‌ಲರಾದರು. ಶುಕ್ರವಾರ
3ನೇ ಪಂದ್ಯದಲ್ಲಿ ಹೆ ಬಿಂಗ್‌ ಜಿಯಾವೊ ವಿರುದ್ಧ ಸಿಂಧು ಕಣಕ್ಕಿಳಿಯಲಿದ್ದಾರೆ.