ಕೋಲ್ಕತ: ಕಟ್ಟಡ ಕುಸಿದು ಓರ್ವ ಸಾವು, ಹಲವರಿಗೆ ಗಾಯ

ಕೋಲ್ಕತ : ಕೋಲ್ಕತದ ಅತ್ಯಂತ ಜನದಟ್ಟನೆಯ ಬುರ್ರಾಬಜಾರ್‌ ಪ್ರದೇಶದಲ್ಲಿನ ಇಂದು ಮಂಗಳವಾರ ಹಳೇ ಕಟ್ಟಡವೊಂದು ಕುಸಿದು ಕನಿಷ್ಠ ಓರ್ವ ವ್ಯಕ್ತಿ ಮೃತಪಟ್ಟು ಇತರ ಹಲವರು ಗಾಯಗೊಂಡರು.

ಕನಿಷ್ಠ ಮೂವರು ಗಂಭೀರವಾಗಿ ಗಾಯಗೊಂಡಿರುವುದಾಗಿ ಎಎನ್‌ಐ ವರದಿ ಮಾಡಿದೆ. ಗಾಯಾಳುಗಳನ್ನು ಆಸ್ಪತ್ರೆಗೆ ಸೇರಿಸಲಾಗಿದೆ. ಸ್ಥಳೀಯಾಡಳಿತೆಯು ರಕ್ಷಣಾ ಕಾರ್ಯವನ್ನು ಕೈಗೊಂಡಿದೆ. 

ಕುಸಿದ ಕಟ್ಟಡದ ಅವಶೇಷಗಳಡಿ ಹಲವರು ಸಿಲುಕಿಕೊಂಡಿರುವ ಶಂಕೆ ಇದೆ.

ದಕ್ಷಿಣ ಮುಂಬಯಿಯ ಭೇಂಡಿ ಬಜಾರ್‌ನಲ್ಲಿ ಕಳೆದ ಸೆ.1ರಂದು 117 ವರ್ಷ ಹಳೆಯ ಐದಂತಸ್ತಿನ ಕಟ್ಟಡ ಕುಸಿದು 33 ಮಂದಿ ಮೃತಪಟ್ಟು ಇತರ 14 ಮಂದಿ ಗಾಯಗೊಂಡಿದ್ದರು.