1,111 ಅಂಕಗಳ ನಷ್ಟದೊಂದಿಗೆ ವಾರ ಮುಗಿಸಿದ ಮುಂಬಯಿ ಶೇರು

ಮುಂಬಯಿ : ಈ ವಾರವನ್ನು ಪೂರ್ತಿಯಾಗಿ ನಷ್ಟದ ಹಾದಿಯಲ್ಲೇ ಸವೆಸಿದ ಮುಂಬಯಿ ಶೇರು ಪೇಟೆಯ ಸೆನ್ಸೆಕ್ಸ್‌ ಸೂಚ್ಯಂಕ ಇಂದು ವಾರಾಂತ್ಯದ ದಿನವಾದ ಶುಕ್ರವಾರದ ವಹಿವಾಟನ್ನು 318 ಅಂಕಗಳ ನಷ್ಟದೊಂದಿಗೆ ತಿಂಗಳ ಕನಿಷ್ಠ ಮಟ್ಟವಾದ 31,213.59 ಅಂಕಗಳ ಮಟ್ಟದಲ್ಲಿ ಕೊನೆಗೊಳಿಸಿತು.

ರಾಷ್ಟ್ರೀಯ ಶೇರು ಮಾರುಕಟ್ಟೆಯ ನಿಫ್ಟಿ ಸೂಚ್ಯಂಕ 109.45 ಅಂಕಗಳ ನಷ್ಟವನ್ನು ಕಂಡು ದಿನದ ವಹಿವಾಟನ್ನು 9,685.55 ಅಂಕಗಳ ಮಟ್ಟದಲ್ಲಿ ಕೊನೆಗೊಳಿಸಿತು.  ನಿಫ್ಟಿ ಈ ಮಟ್ಟವನ್ನು ಕಳೆದ ಜುಲೈ 7ರಂದು ಕಂಡಿತ್ತು.

ಸೆನ್ಸೆಕ್ಸ್‌ ಕಳೆದ ನಾಲ್ಕು ದಿನಗಳ ವಹಿವಾಟಿನಲ್ಲಿ 794.05 ಅಂಕಗಳ ನಷ್ಟವನ್ನು ಅನುಭವಿಸಿದೆ. ಈ ವಾರದಲ್ಲಿ ಸೆನ್ಸೆಕ್ಸ್‌ ಅನಭವಿಸಿರುವ ನಷ್ಟ 1,111.82 ಅಂಕಗಳ (ಶೇ.3.43); ನಿಫ್ಟಿ ಅನುಭವಿಸಿರುವ ನಷ್ಟ 355.60 (ಶೇ.3.53) .