ಮಾರುಕಟ್ಟೆಗೆ ಬಂತು ಬಿಎಸ್‌-6 ಆ್ಯಕ್ಟೀವಾ ಹೋಂಡಾ-ಬೆಲೆ ಎಷ್ಟು ಗೊತ್ತಾ

ಬಿಎಸ್‌-6 ಎಂಜಿನ್‌ ಹೋಂಡಾ ಆಕ್ಟಿವಾ 125 ಸ್ಕೂಟರ್‌ ಮಾರಾಟಕ್ಕೆ ಹೋಂಡಾ ಸಂಸ್ಥೆ ಅಧಿಕೃತ ಚಾಲನೆ ನೀಡಿದ್ದು, ಬುಕ್ಕಿಂಗ್‌ ಮಾಡಿದ್ದ ಮೊದಲ ಬ್ಯಾಚ್‌ ಗ್ರಾಹಕರಿಗೆ ಹೊಸ ಸ್ಕೂಟರ್‌ನ ವಿತರಣೆ ಮಾಡಿದೆ.

ಆಕ್ಟಿವಾ -125
ಹೋಂಡಾ ಮೋಟಾರ್‌ ಸೈಕಲ್‌ ಮತ್ತು ಸ್ಕೂಟರ್ ಇಂಡಿಯಾ ಸಂಸ್ಥೆ ತನ್ನ ಜನಪ್ರಿಯ ಆಕ್ಟಿವಾ 125 ಸ್ಕೂಟರ್‌ ಮಾದರಿಯನ್ನು 2020ರ ಏಪ್ರಿಲ್‌ 1ರಿಂದ ಜಾರಿಗೆ ಬರಲಿರುವ ಬಿಎಸ್‌-6 ನಿಯಮಾವಳಿಗೆ ಅನುಗುಣವಾಗುವಂತೆ ತಯಾರು ಮಾಡಿದ್ದು, ಹಲವು ಸುಧಾರಿತ ತಂತ್ರಜ್ಞಾನ ಅಳವಡಿಕೆಗಳೊಂದಿಗೆ ಮಾರುಕಟ್ಟೆಗೆ ಬಿಟ್ಟಿದೆ.

ಬಿಎಸ್‌-6 ಎಂಜಿನ್‌
ಬಿಎಸ್‌-6 ಎಂಜಿನ್‌ ಹೊಂದಿರುವ ಆಕ್ಟಿವಾ 125 ಸ್ಕೂಟರ್‌ ಈ ಹಿಂದಿನ ವಾಹನಗಳಿಗಿಂತಲೂ ಉತ್ತಮ ಗುಣಮಟ್ಟದ ಎಂಜಿನ್‌ ಸಾಮರ್ಥ್ಯದೊಂದಿಗೆ ಇಂಧನ ಕಾರ್ಯಕ್ಷಮತೆಯಲ್ಲೂ ಸಾಕಷ್ಟು ಸುಧಾರಣೆ ಮಾಡಲಾಗಿದೆ.

67,490 ಆರಂಭ
ಬಿಎಸ್‌-4 ವೈಶಿಷ್ಟ್ಯತೆಯ ಎಂಜಿನಿನ್‌ಗಿಂತಲೂ ಸಾಕಷ್ಟು ಸುಧಾರಣೆ ಹೊಂದಿರುವ ಬಿಎಸ್‌-6 ಎಂಜಿನ್‌ ಆಕ್ಟಿವಾ 125 ಮಾದರಿಯು ಸಂಪೂರ್ಣ ಇಂಜೆಕ್ಷಡ್‌ ಯುನಿಟ್‌ ಹೊಂದಿದ್ದು, ದೆಹಲಿ ಎಕ್ಸ್‌ ಶೋರೂಂ ಪ್ರಕಾರ ಬಿಎಸ್‌-6 ಎಂಜಿನ್‌ ಆಕ್ಟಿವಾ 125 ಬೆಲೆಯನ್ನು 67,490ಕ್ಕೆ ನಿಗದಿಪಡಿಸಲಾಗಿದೆ.

ಎಂಜಿನ್‌ ಸಾಮರ್ಥ್ಯ ಬಿಎಸ್‌-6 ಪ್ರೇರಿತ 125 ಆಕ್ಟೀವಾ ಹೋಂಡಾದಲ್ಲಿ ಸಿಸಿ ಸಿಂಗಲ್‌ ಸಿಲಿಂಡರ್‌, ಫ್ಯೂಯಲ್ ಇಂಜೆಕ್ಷಡ್‌ ಯುನಿಟ್‌ ಇದ್ದು, 8.4-ಬಿಎಚ್‌ಪಿ ಮತ್ತು 10.54-ಎನ್‌ಎಂ ಟಾರ್ಕ್‌ ಅಳವಡಿಕೆಯೊಂದಿಗೆ ಸುರಕ್ಷತೆಗೂ ಹೆಚ್ಚಿನ ಒತ್ತು ನೀಡಲಾಗಿದೆ.