Brahmavara: ನೀಲಾವರ ಗ್ರಾಮ: ಸರ ಕಸಿದು ಪರಾರಿ

ಬ್ರಹ್ಮಾವರ: ನೀಲಾವರ ಗ್ರಾಮದ ಕಾರ್ಮಿಕ್‌ ಜಂಕ್ಷನ್‌ ಬಳಿ ಅಪರಿಚಿತನೊಬ್ಬ ಗುರುವಾರ ಮಹಿಳೆಯ ಸರ ಕಸಿದುಕೊಂಡು ಪರಾರಿಯಾದ ಘಟನೆ ನಡೆದಿದೆ.

ಜಯಂತಿ ಅವರು ಮೊಮ್ಮಗನನ್ನು ಶಾಲಾ ಬಸ್‌ನಿಂದ ಇಳಿಸಿಕೊಂಡು ಮನೆಗೆ ಕರೆದುಕೊಂಡು ಹೋಗುತ್ತಿದ್ದಾಗ ಅಪರಿಚಿತ ವ್ಯಕ್ತಿ ರಸ್ತೆಯ ಬದಿಯ ಹಾಡಿಯಿಂದ ಬಂದು ಅವರನ್ನು ರಸ್ತೆಗೆ ದೂಡಿದ್ದಾನೆ. ಜಯಂತಿ ಅವರು ಬಿದ್ದ ಸಮಯ ಕುತ್ತಿಗೆಯಲ್ಲಿದ್ದ ಒಂದು ಪವನ್‌ ತೂಕದ ಚಿನ್ನದ ಸರ ಎಳೆದುಕೊಂಡು ಪರಾರಿಯಾಗಿದ್ದಾನೆ. ಬ್ರಹ್ಮಾವರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.