ಶ್ರೀಲಂಕಾದಲ್ಲಿ ಬಾಂಬ್‌ ಸ್ಫೋಟ:ಮಂಡ್ಯ ಮೂಲದ ವ್ಯಕ್ತಿ ಸಾವು

ಮಂಡ್ಯ: ಶ್ರೀಲಂಕಾದಲ್ಲಿ ಸಂಭವಿಸಿದ ಸರಣಿ ಬಾಂಬ್‌ ಸ್ಫೋಟ ಪ್ರಕರಣದಲ್ಲಿ ಜಿಲ್ಲೆಯ ನಾಗಮಂಗಲ ತಾಲೂಕಿನ ವ್ಯಕ್ತಿಯೊಬ್ಬ ಸಾವನ್ನಪ್ಪಿದ್ದಾರೆ. ನಾಗಮಂಗಲ ತಾಲೂಕಿನ ಬೆಳ್ಳೂರು ಹೋಬಳಿಯ ಬೆಟ್ಟದಕೋಟೆ ಗ್ರಾಮದ ಲೇಟ್ ಲಕ್ಷ್ಮಣಗೌಡರ ಪುತ್ರ ರಮೇಶ್‌ (45) ಬಾಂಬ್‌ ದಾಳಿಯಲ್ಲಿ ಹತರಾಗಿದ್ದಾರೆ. ಇವರ ತಂದೆ ಲಕ್ಷ್ಮಣಗೌಡರು ಮೂಲತಃ ಬೆಟ್ಟದ ಕೋಟೆ ಗ್ರಾಮದವರು.

ಕೆಇಬಿ ನೌಕರರಾಗಿದ್ದ ಇವರು ತುಮಕೂರಿಗೆ ವರ್ಗವಾದ ಬಳಿಕ ಕುಟುಂಬದವರೆಲ್ಲರೂ ಅಲ್ಲೇ ನೆಲೆ ಕಂಡುಕೊಂಡಿದ್ದರು. ತುಮಕೂರಿನಲ್ಲಿ ರಮೇಶ್‌ ಸ್ವಂತ ಬಾರ್‌ ನಡೆಸುತ್ತಿದ್ದಾರೆ. ಇವರು ಏ.20ರಂದು ಶನಿವಾರ ಸ್ನೇಹಿತರ ಜೊತೆ ಪ್ರವಾಸಕ್ಕೆಂದು ಶ್ರೀಲಂಕಾಗೆ ತೆರಳಿದ್ದರು.

ಬಾಂಬ್‌ ಸ್ಫೋಟ ಸಂಭವಿಸಿದ ಬಳಿಕ ಕುಟುಂಬದವರು ಇವರನ್ನು ಸಂಪರ್ಕಿಸಲು ಪ್ರಯತ್ನಿ ಸಿದರು. ಆದರೆ, ಸಂಪರ್ಕಕ್ಕೆ ಸಿಗಲಿಲ್ಲ. ಕೊನೆಗೆ ಬಾಂಬ್‌ ದಾಳಿಗೆ ಸಿಲುಕಿ ಮೃತಪಟ್ಟಿರು ವುದು ಖಚಿತ ಪಟ್ಟಿದ್ದು, ಕುಟುಂಬದವರ ರೋಧನ ಮುಗಿಲು ಮುಟ್ಟಿದೆ.

ಬುಧವಾರ ರಾತ್ರಿ ಅಥವಾ ಗುರುವಾರ ಬೆಳಗ್ಗೆ ರಮೇಶ್‌ ಮೃತದೇಹ ಬೆಟ್ಟದ ಹೊಸೂರು ಗ್ರಾಮಕ್ಕೆ ಬರಲಿದೆ ಎನ್ನಲಾಗುತ್ತಿದ್ದು, ಅಲ್ಲೇ ಅಂತ್ಯಕ್ರಿಯೆ ನಡೆಸಲು ಕುಟುಂಬದವರು ನಿರ್ಧರಿಸಿ ದ್ದಾರೆ ಎನ್ನಲಾಗಿದೆ. ಮೃತ ರಮೇಶ್‌ ಅವರು ಪತ್ನಿ ಮಂಜುಳಾ ಪುತ್ರ ಶೇದಿಕ್‌, ಪುತ್ರಿ ದಿಶಾ ಸೇರಿದಂತೆ ಅಪಾರ ಬಂಧು-ಬಳಗವನ್ನು ಅಗಲಿದ್ದಾರೆ.