8 ತಾಸು ಬಾಲಿವುಡ್‌ ನಟಿ ಜಾಕ್ವೆಲಿನ್‌ ಫೆರ್ನಾಂಡಿಸ್‌ ವಿಚಾರಣೆ

ಹೊಸದಿಲ್ಲಿ: ವಂಚಕ ಸುಕೇಶ್‌ ಚಂದ್ರಶೇಖರನ್‌ನಿಂದ ಬಹುಕೋಟಿ ರೂ. ಮೌಲ್ಯದ ಉಡುಗೊರೆಗಳನ್ನು ಪಡೆದಿರುವ ಆರೋಪಕ್ಕೆ ಗುರಿ ಯಾಗಿರುವ ಬಾಲಿವುಡ್‌ ನಟಿ ಜಾಕ್ವೆಲಿನ್‌ ಫೆರ್ನಾಂಡಿಸ್‌ ಅವರ ವಿಚಾರಣೆಯನ್ನು ದಿಲ್ಲಿ ಪೊಲೀಸ್‌ ಇಲಾಖೆಯ ಆರ್ಥಿಕ ಅಪರಾಧಗಳ ವಿಭಾಗ ನಡೆಸಿದೆ.

ಬೆಳಗ್ಗೆ 11.30ರಿಂದ ಒಟ್ಟು ಎಂಟು ಗಂಟೆಗಳ ಕಾಲ ಹಲವು ಅಂಶಗಳ ಬಗ್ಗೆ ಪೊಲೀಸರು ಅವರಿಂದ ಮಾಹಿತಿ ಪಡೆದರು. ಈ ಹಿಂದೆ ಆ. 29 ಮತ್ತು ಸೆ. 12ರಂದು ಎರಡು ಬಾರಿ ನಟಿಗೆ ಅಧಿಕಾರಿಗಳು ಸಮನ್ಸ್‌ ಕೊಟ್ಟಿದ್ದರು.

ಜಾಕ್ವೆಲಿನ್‌ ವಂಚಕನಿಂದ ಐದು ವಾಚ್‌, 20 ಚಿನ್ನದ ಆಭರಣ, 65 ಜತೆ ಶೂಗಳು, 47 ಡ್ರೆಸ್‌ಗಳನ್ನು ಉಡುಗೊರೆಯಾಗಿ ಪಡೆದುಕೊಂಡಿದ್ದ ಬಗ್ಗೆ ಇ.ಡಿ. ತನಿಖೆಯಲ್ಲಿ ಒಪ್ಪಿಕೊಂಡಿದ್ದರು.