ಮುಂಬೈ : ಬಾಲಿವುಡ್ ನಲ್ಲೀಗ ತಾರೆಯರ ಕುಡಿಗಳ ಕಾಲ. ಈಗಾಗಲೇ ಸಾಕಷ್ಟು ಸ್ಟಾರ್ ನಟ ಹಾಗೂ ನಟಿಯರ ಮಕ್ಕಳು ಬಿಟೌನ್ ಗೆ ಪರಿಚಯವಾಗಿದ್ದಾರೆ. ಇದೀಗ ಬಾಲಿವುಡ್ ನಟ ಅಮೀರ್ ಖಾನ್ ಕುಟುಂಬದ ಸರದಿ.
ದಂಗಲ್ ಖ್ಯಾತಿಯ ನಟ ಅಮೀರ್ ಖಾನ್ ಮನೆಯಿಂದ ಮತ್ತೊಂದು ಪ್ರತಿಭೆ ಚಿತ್ರರಂಗಕ್ಕೆ ಎಂಟ್ರಿ ಕೊಡುತ್ತಿದೆ. ಅಮೀರ್ ಖಾನ್ ಪುತ್ರ ಜುನೈದ್ ಖಾನ್ ‘ಮಹಾರಾಜ’ ಸಿನಿಮಾ ಮೂಲಕ ಬೆಳ್ಳಿ ಪರದೆ ಪ್ರವೇಶ ಮಾಡುತ್ತಿದ್ದಾರೆ.
ಹಾಗೇ ನೋಡಿದ್ರೆ ಅಮೀರ್ ಪುತ್ರಿ ಇರಾ ಖಾನ್ ಸಿನಿಮಾ ಇಂಡಸ್ಟ್ರಿಗೆ ಬರಹುದು ಎನ್ನುವ ಟಾಕ್ ಇತ್ತು. ಆದರೆ, ಅವಳಿಗೂ ಮುಂಚೆ ಜುನೈದ್ ಖಾನ್ ಬಣ್ಣ ಹಚ್ಚುತ್ತಿದ್ದಾರೆ.
ಹಿಂದಿಯ ಖ್ಯಾತ ನಿರ್ದೇಶಕ ಸಿದ್ಧಾರ್ಥ್ ಮಲ್ಹೋತ್ರ ಈ ಚಿತ್ರಕ್ಕೆ ನಿರ್ದೇಶನ ಮಾಡುತ್ತಿದ್ದು, ಇಂದು ಸಿನೆಮಾ ಸೆಟ್ಟೇರುತ್ತಿದೆ. ಮುಂಬೈನ ಮರೊಲ್ ಸಮೀಪದ ವಿಜಯನಗರದಲ್ಲಿ ಬೃಹತ್ ಸೆಟ್ ಸಿದ್ಧಪಡಿಸಲಾಗಿದ್ದು, ಇಲ್ಲೇ ಶೂಟಿಂಗ್ ನಡೆಯಲಿದೆ.
ಇನ್ನು ಈ ಸಿನಿಮಾದಲ್ಲಿ ಟಾಲಿವುಡ್ ನ ಸೂಪರ್ ಹಿಟ್ ಸಿನಿಮಾ ಅರ್ಜುನ್ ರೆಡ್ಡಿ ಖ್ಯಾತಿಯ ಶಾಲಿನಿ ಪಾಂಡೆ, ಜುನೈದ್ ಖಾನ್ ಗೆ ನಾಯಕಿಯಾಗಿ ನಟಿಸುತ್ತಿದ್ದಾರೆ.
ಇನ್ನು ಮಹಾರಾಜ ಸಿನಿಮಾ ಬ್ರಿಟಿಷ್ (1862) ಆಡಳಿತದ ವೇಳೆ ಘಟಿಸಿದ ‘Maharaj Libel Case’ ಕುರಿತು ಕಥಾಹಂದರ ಹೊಂದಿದೆಯಂತೆ. ಈ ಚಿತ್ರದಲ್ಲಿ ಜುನೈದ್ ಪತ್ರಕರ್ತ ಕರ್ಸಂದಾಸ್ ಮುಲ್ಜಿ ಪಾತ್ರ ನಿಭಾಯಿಸಲಿದ್ದಾರೆ.
