ಕೊಯಮುತ್ತೂರು: ರೈಲಿನ ಟಾಯ್‌ಲೆಟ್‌ನಲ್ಲಿ ವ್ಯಕ್ತಿಯ ಶವ ಪತ್ತೆ

ಕೊಯಮುತ್ತೂರು : ಇಲ್ಲಿನ ಸಿಟಿ ರೈಲ್ವೇ ಸ್ಟೇಶನ್‌ನಲ್ಲಿ ನಿಂತಿದ್ದ ರೈಲಿನ ಟಾಯ್‌ಲೆಟ್‌ನಲ್ಲಿ  ಪುರುಷನೊಬ್ಬನ ಮೃತ ದೇಹವನ್ನು ಶೌಚ ಕಾರ್ಮಿಕರು ಪತ್ತೆ ಹಚ್ಚಿದ್ದಾರೆ.

ಇಂದು ಬೆಳಗ್ಗೆ 7.30ರ ಹೊತ್ತಿಗೆ ಟಾಯ್‌ಲೆಟ್‌ನಲ್ಲಿ ಶವ ಕಂಡು ಬಂದೊಡನೆಯೇ ಶೌಚ ಕಾರ್ಮಿಕರು ವಿಷಯವನ್ನು ಸ್ಟೇಶನ್‌ ಸುಪರಿಂಟೆಂಡೆಂಟ್‌ಗೆ ತಿಳಿಸಿದರು. ಅವರು ಕೂಡಲೇ ವಿಷಯವನ್ನು ಪೊಲೀಸರಿಗೆ ತಿಳಿಸಿದಾಗ ಅವರು ಧಾವಿಸಿ ಬಂದು ಶವವನ್ನು ವಶಕ್ಕೆ ತೆಗೆದುಕೊಂಡರು. 

ಮೃತ ವ್ಯಕ್ತಿಯು ಕಡಲೂರಿನ ಸಾಲೈನಗರದ ಸೆಲ್ವಂ  ಎಂದು ಪ್ರಾಥಮಿಕ ತನಿಖೆಯಿಂದ ಗೊತ್ತಾಯಿತು. ಆತನ ಪತ್ನಿಗೆ ವಿಷಯವನ್ನು ತಿಳಿಸಲಾಯಿತೆಂದು ಪೊಲೀಸರು ಹೇಳಿದ್ದಾರೆ.