ದೋಣಿ ದುರಂತ: ಇನ್ನೂ ಪತ್ತೆಯಾಗದ ಸಂದೀಪ

 ಕಾರವಾರ: ಕೂರ್ಮಗಡ ದೋಣಿ ದುರಂತದಲ್ಲಿ ನೀರು ಪಾಲಾಗಿರುವ ಹಾವೇರಿ ಜಿಲ್ಲೆ ಹೊಸೂರು ಗ್ರಾಮದ ಬಾಲಕ ಸಂದೀಪ ಪರುಶುರಾಮ (10) ಮೃತದೇಹಇದುವರೆಗೂ ಪತ್ತೆಯಾಗಿಲ್ಲ. ಶುಕ್ರವಾರ ಸಂಜೆವರೆಗೂ ನೌಕಾನೆಲೆ, ಅತ್ಯಾಧುನಿಕ ನೌಕೆಗಳು, ಕೋಸ್ಟ್‌ಗಾರ್ಡ್‌ ನೌಕೆಗಳು ಹಾಗೂ ಹೆಲಿಕಾಪ್ಟರ್‌ ಸಹಾಯದಿಂದ ಲೈಟ್‌ ಹೌಸ್‌ ಆಚೆ ಆಳ ಸಮುದ್ರದಲ್ಲಿ ಹುಡುಕಾಟ ನಡೆಸಿತು.ಆದರೂ ಮೃತದೇಹ ಪತ್ತೆಯಾಗಿಲ್ಲ. ಕೂರ್ಮಗಡ ಜಾತ್ರೆಯಿಂದ ಕಾರವಾರದ ಕೋಡಿಭಾಗ ಅಳ್ವಾವಾಡಕ್ಕೆ ಮರಳುವಾಗ ಯಾಂತ್ರಿಕೃತ ಬೋಟ್‌ ಮುಳುಗಿತ್ತು. ಈ ದುರಂತದಲ್ಲಿ 15 ಜನ ಮೃತಪಟ್ಟಿದ್ದು, ಎಲ್ಲರ ಶವಗಳು ದೊರೆತಿವೆ. ಆದರೆ, ಪರುಶುರಾಮ ಬಾಳಲಕೊಪ್ಪ ಅವರ ಮಗ ಸಂದೀಪ ಮಾತ್ರ ಈತನಕ ಪತ್ತೆಯಾಗಿಲ್ಲ.