ಬ್ಲೂವೇಲ್‌: 24 ಗಂಟೆಗಳಲ್ಲಿ ಇಬ್ಬರ ರಕ್ಷಣೆ

ನವದೆಹಲಿ: ಪ್ರಾಣವನ್ನೇ ಕೇಳುವ ಅಪಾಯಕಾರಿ ಆನ್‌ಲೈನ್‌ ಆಟ, ಬ್ಲೂವೇಲ್‌ನ ಗೀಳು ಹತ್ತಿಸಿಕೊಂಡ ಇಬ್ಬರು ಬಾಲಕರನ್ನು ಸಾವಿನ ದವಡೆಯಿಂದ ಪಾರುಮಾಡಲಾಗಿದೆ. 

ಕಳೆದ ವಾರ ಮುಂಬೈನಲ್ಲಿ ಓರ್ವ ಬಾಲಕ ಎತ್ತರ ಕಟ್ಟಡದಿಂದ ಹಾರಿ ಆತ್ಮಹತ್ಯೆ ಮಾಡಿಕೊಂಡಿದ್ದ. ಕಳೆದ 24 ಗಂಟೆಗಳಲ್ಲಿ ಆತ್ಮಹತ್ಯೆಗೆ ಸಿದ್ಧವಾಗಿದ್ದ ಇಬ್ಬರು ಬಾಲಕರನ್ನು ರಕ್ಷಿಸಲಾಗಿದೆ. ಸೊಲ್ಹಾಪುರದ 14 ವರ್ಷದ ಬಾಲಕ ಬ್ಲೂವೇಲ್‌ ಟಾಸ್ಕ್ ಪೂರೈಸಲು ಮನೆ ಬಿಟ್ಟು ಹೊರಹೋಗಿದ್ದು, ಪೊಲೀಸರು ಆತನನ್ನು ಬಸ್‌ ಒಂದರಲ್ಲಿ ಪತ್ತೆ ಮಾಡಿದ್ದಾರೆ. ಈತ ಆತ್ಮಹತ್ಯೆಗೆ ಹೊರಟಿದ್ದ ಎನ್ನಲಾಗಿದೆ. ಮಧ್ಯ ಪ್ರದೇಶದ ಇಂದೋರ್‌ನಲ್ಲಿ 13ರ ಬಾಲಕ ಶಾಲಾ ಕಟ್ಟಡದಿಂದ ಹಾರಿ ಆತ್ಯಹತ್ಯೆಗೆ ಯತ್ನಿ ಸಿದ್ದು, ಸಹಪಾಠಿಗಳು ಪಾರುಮಾಡಿದ್ದಾರೆ.