Advertisement

ಚಿನ್ನದ ಬ್ರೇಸ್‌ಲೆಟ್‌ ಹಿಂತಿರುಗಿಸಿ ಪ್ರಾಮಾಣಿಕತೆ ಮೆರೆದ ಬ್ಲೂ ಫ್ಲ್ಯಾಗ್ ಸಿಬಂದಿ

09:50 PM Feb 01, 2023 | Team Udayavani |

ಪಡುಬಿದ್ರಿ: ಪ್ರವಾಸ ನಿಮಿತ್ತ ಪಡುಬಿದ್ರಿ ಬ್ಲೂ ಫ್ಲ್ಯಾಗ್ ಬೀಚ್‌ಗೆ ಸುಳ್ಯದಿಂದ ಜ. 31ರಂದು ಬಂದಿದ್ದ ಮಹಿಳೆಯೋರ್ವರ ಚಿನ್ನದ ಬ್ರೇಸ್‌ಲೆಟ್‌ಅನ್ನು ಪೊಲೀಸ್‌ ಠಾಣೆಗೆ ಹಿಂತಿರುಗಿಸಿ ಪ್ರಾಮಾಣಿಕತೆಯನ್ನು ಮೆರೆದ ಅಲ್ಲಿನ ಹಾಗೂ ಹೋಂಗಾರ್ಡ್‌ ಸಿಬಂದಿಗಳನ್ನು ಪಡುಬಿದ್ರಿ ಪಿಎಸ್‌ಐ ಪುರುಷೋತ್ತಮ್‌ ಅಭಿನಂದಿಸಿದ್ದಾರೆ.

Advertisement

ಸುಳ್ಯ ವಾಸಿ ಸರಿತಾ ಅವರು ಬ್ಲೂಫ್ಲ್ಯಾಗ್ ಬೀಚ್‌ನಲ್ಲಿ ತಮ್ಮ ಬೆಲೆಬಾಳುವ ಚಿನ್ನದ ಬ್ರೇಸ್‌ಲೆಟ್‌ ಅನ್ನು ಕಳೆದುಕೊಂಡಿದ್ದರು. ಅವರು ಅಲ್ಲಿ ಅದನ್ನು ಅದೆಷ್ಟು ಹುಡುಕಾಡಿದರೂ ಸಿಗಲೇ ಇಲ್ಲ. ಆ ಬಳಿಕ ಅವರು ವಾಪಾಸು ತೆರಳಿದ್ದಾರೆ. ಅದೇ ಬ್ರೇಸ್‌ಲೆಟ್‌ ಬ್ಲೂ ಫ್ಲ್ಯಾಗ್ ಬೀಚಿನ ಸಿಬಂದಿ ಕಿರಣ್‌ರಾಜ್‌ ಮತ್ತು ಗೃಹರಕ್ಷಕ ಸಿಬಂದಿ ದಿನೇಶ್‌ ಅವರಿಗೆ ಸಿಕ್ಕಿದ್ದು ಆ ಕೂಡಲೇ ಅದನ್ನು ಪಡುಬಿದ್ರಿ ಪೊಲೀಸ್‌ ಠಾಣೆಗೆ ಹಾಜರುಪಡಿಸಿದ್ದಾರೆ. ಠಾಣಾ ಪಿಎಸ್‌ಐ ಪುರುಷೋತ್ತಮ್‌ ಅವರು ಅದನ್ನು ಸರಿತಾ ಅವರಿಗೆ ತಲುಪಿಸುವ ವ್ಯವಸ್ಥೆಗೊಳಿಸಿರುವುದಾಗಿ ಹೇಳಿದ್ದಾರೆ.

ಇದನ್ನೂ ಓದಿ: ರಾಜ್ಯ ಸರಕಾರದ ಕಮಿಷನ್‌ ಶೇ.80ಕ್ಕೆ: ಟ್ವೀಟ್‌ ಮೂಲಕ ಕುಟುಕಿದ ಕಾಂಗ್ರೆಸ್‌

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next