ಮೋದಿ ಕವನಕ್ಕೆ ಅಂಧರ ನೃತ್ಯ

ನವದೆಹಲಿ: ಪ್ರಧಾನಿ ಮೋದಿ 25 ವರ್ಷ ಗಳ ಹಿಂದೆ ರಚಿಸಿದ್ದ ಹಾಡಿಗೆ ಅಂಧ ವಿದ್ಯಾರ್ಥಿನಿಯರು ನರ್ತಿಸಿದ್ದು ಭಾರಿ ಜನಪ್ರಿಯವಾಗಿದೆ. ಗುಜರಾತ್‌ನ ಸಾಂಪ್ರದಾಯಿಕ ಗರ್ಭಾ ಬಗ್ಗೆ ಮೋದಿ ಹಾಡು ಬರೆದಿದ್ದರು. ಈ ಕವನಕ್ಕೆ ಅಹಮದಾಬಾದ್‌ನ ಅಂಧ ಕನ್ಯಾ ಪ್ರಕಾಶ ಗೃಹದ ವಿದ್ಯಾರ್ಥಿನಿಯರು ಗರ್ಭಾ ನೃತ್ಯ ಮಾಡಿದ್ದಾರೆ. ಇದರ ವಿಡಿಯೋವನ್ನು ಮೋದಿ ಟ್ವೀಟ್‌ ಮಾಡಿದ್ದಾರೆ. ಗರ್ಭಾ ಗುಜರಾತ್‌ನ ಹೆಮ್ಮೆ ಹಾಗೂ ಗುರುತು. ಬಡವರು, ಶ್ರೀಮಂತರೂ ಸೇರಿದಂತೆ ಎಲ್ಲರಿಗೂ ಗರ್ಭಾ ಸಂತೋಷ ನೀಡುತ್ತದೆ. ಗರ್ಭಾ ಕೊಳಲಿನಂತೆ, ಗರ್ಭಾ ನವಿಲಿನಂತೆ ಎಂದು ಮೋದಿ ತಮ್ಮ ಕವನದಲ್ಲಿ ವಿವರಿಸಿದ್ದಾರೆ.