ಏಳು ವರ್ಷದ ಬಾಲಕನಿಗೆ ಬ್ಲ್ಯಾಕ್‌ ಫಂಗಸ್‌

ಬೆಂಗಳೂರು: ಹಾಸನ ಮೂಲದ ಏಳು ವರ್ಷದ ಬಾಲಕನಿಗೆ ಬ್ಲ್ಯಾಕ್‌ ಫ‌ಂಗಸ್‌ ಸೋಂಕು ತಗುಲಿದ್ದು, ನಗರದ ವಿಕ್ಟೋರಿಯಾ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ.

ಶುಕ್ರವಾರ ರಾತ್ರಿ ಆಸ್ಪತ್ರೆಗೆ ದಾಖಲಾ ಗಿದ್ದು, ಮೊದಲು ತಾಯಿಗೆ ಕೊರೊನಾ ಸೋಂಕು ದೃಢಪಟ್ಟಿದ್ದು ಬಳಿಕ ಮಗುವಿಗೆ ಹರಡಿದೆ. ಈ ವೇಳೆ ಮಗುವಿಗೆ ಬ್ಲ್ಯಾಕ್‌ ಫ‌ಂಗಸ್‌ ಸೋಂಕು ಉಂಟಾಗಿದೆ.

ಈಗಲೂ ಸೋಂಕು ಪಾಸಿಟಿವ್‌ ಇದ್ದು ಕೊರೋನಾ ವಾರ್ಡ್‌ನಲ್ಲೇ ಚಿಕಿತ್ಸೆ ನೀಡಲಾಗುತ್ತಿದೆ. ಮಗುವಿಗೆ ಕಣ್ಣಿಗೆ ಈಗಾಗಲೇ ಸೋಂಕು ವ್ಯಾಪಿಸಿದೆ. ನಿಮ್ಹಾನ್ಸ್‌ ಹಾಗೂ ವಿಕ್ಟೋರಿಯಾ ಎರಡೂ ಕಡೆ ಚಿಕಿತ್ಸೆ ನೀಡಲಾಗುತ್ತಿದೆ ಎಂದು ವೈದ್ಯರು ತಿಳಿಸಿದ್ದಾರೆ.