Kapu ಕಾರು-ಬೈಕ್‌ ಢಿಕ್ಕಿ: ಸಹಸವಾರನಿಗೆ ಗಾಯ

ಕಾಪು: ಮೂಳೂರಿನಲ್ಲಿ ಕಾರು ಮತ್ತು ಬೈಕ್‌ ಪರಸ್ಪರ‌ ಢಿಕ್ಕಿ ಹೊಡೆದುಕೊಂಡು ಕಾರು ಜಖಂಗೊಂಡು ಬೈಕ್‌ ಸಹ ಸವಾರ ಗಾಯಗೊಂಡ ಘಟನೆ ಶುಕ್ರವಾರ ರಾತ್ರಿ ನಡೆದಿದೆ.

ಸಾಯಿರಾಧಾ ಹೆರಿಟೇಜ್‌ ಬಳಿ ರಸ್ತೆ ಎಡಬದಿಯಲ್ಲಿ ಹೋಗುತ್ತಿದ್ದ ಕಾರಿಗೆ ಬೈಕ್‌ ಹಿಂಬದಿಯಿಂದ ಢಿಕ್ಕಿ ಹೊಡೆದಿದ್ದು, ಬೈಕ್‌ನಲ್ಲಿದ್ದ ಸಹಸವಾರ ಸುಧೀರ್‌ ಎಂಬಾತ ಗಾಯಗೊಂಡಿದ್ದಾನೆ.

ಸಹಸವಾರ ಸುಧೀರ್‌ ಅವರ ಬಲಕಾಲಿಗೆ ಗಾಯವಾಗಿದ್ದು ಕಾರಿನಲ್ಲಿ ಇದ್ದವರು ಮತ್ತು ಸ್ಥಳೀಯರು ಉಪಚರಿಸಿ ಚಿಕಿತ್ಸೆಯ ಬಗ್ಗೆ ಮಣಿಪಾಲದ ಖಾಸಗಿ ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಈ ಬಗ್ಗೆ ಕಾಪು ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ತನಿಖೆ ಮುಂದುವರಿಸಿದ್ದಾರೆ.