60 ಸದಸ್ಯರ ಅರುಣಾಚಲ ಪ್ರದೇಶ ವಿಧಾನಸಭೆ ಚುನಾವಣೆ: 41 ಸ್ಥಾನ ಗೆದ್ದ ಬಿಜೆಪಿ

ಇಟಾನಗರ : 60 ಸದಸ್ಯರ ಅರುಣಾಚಲ ಪ್ರದೇಶ ವಿಧಾನಸಭೆಯ ಎಲ್ಲ ಕ್ಷೇತ್ರಗಳ ಫ‌ಲಿತಾಂಶ ಪ್ರಕಟವಾಗಿದ್ದು ಬಿಜೆಪಿ 41 ಸ್ಥಾನಗಳನ್ನು ಗೆದ್ದಿರುವುದಾಗಿ ಚುನಾವಣಾ ಅಧಿಕಾರಿ ಇಂದು ಶನಿವಾರ ತಿಳಿಸಿದ್ದಾರೆ.

ಮೂವರು ಬಿಜೆಪಿ ಅಭ್ಯರ್ಥಿಗಳು ಚುನಾವಣೆಗೆ ಮೊದಲೇ ಅವಿರೋಧವಾಗಿ ಆಯ್ಕೆಯಾಗಿದ್ದ ಅರುಣಾಚಲ ಪ್ರದೇಶದ ವಿಧಾನಸಭೆಯ 57 ಸ್ಥಾನಗಳಿಗೆ ಚುನಾವಣೆ ನಡೆದಿತ್ತು.

ಜೆಡಿಯು 7 ಸ್ಥಾನ, ಎನ್‌ಪಿಪಿ ಐದು, ಕಾಂಗ್ರೆಸ್‌ ನಾಲ್ಕು, ಪಿಪಿಎ ಒಂದು ಸ್ಥಾನ ಪಡೆದಿದೆಯಾದರೆ ಪಕ್ಷೇತರರು 2 ಸ್ಥಾನ ಜಯಿಸಿದ್ದಾರೆ.

ನಿನ್ನೆ ಶುಕ್ರವಾರ ಡಾಪೋರಿಜೋ, ಡುಂಪೋರಿಜೋ ಮತ್ತು ರಗಾ ಕ್ಷೇತ್ರಗಳ ಮತ ಎಣಿಕೆ ವಿಳಂಬಗೊಂಡಿತ್ತು.