ಬೈಂದೂರು : ಲಾರಿ ಢಿಕ್ಕಿಯಾಗಿ  ಬೈಕ್‌ನಲ್ಲಿದ್ದ ಪೊಲೀಸ್‌ ದುರ್ಮರಣ 

ಬೈಂದೂರು:ಇಲ್ಲಿನ ನಾವುಂದ ಬಳಿ ರಾಷ್ಟ್ರೀಯ ಹೆದ್ದಾರಿ 66 ರಲ್ಲಿ  ಗುರುವಾರ ನಸುಕಿನ 2.30 ರ ವೇಳೆಗೆ ಲಾರಿಯೊಂದು ಢಿಕ್ಕಿಯಾದ ಪರಿಣಾಮ ಬೈಕ್‌ನಲ್ಲಿದ್ದ ಪೊಲೀಸ್‌ ಸಿಬಂದಿ ಸ್ಥಳದಲ್ಲೇ  ದಾರುಣವಾಗಿ ಸಾವನ್ನಪ್ಪಿದ್ದಾರೆ. 

ಬೈಂದೂರು ಪೊಲೀಸ್ ಠಾಣಾ ಸಿಬ್ಬಂದಿ ನಾಗೇಶ್ ಬಿಲ್ಲವ ಇವರು ಮೃತ ದುರ್ದೈವಿ. ಕರ್ತವ್ಯ ನಿಮಿತ್ತ ನಾವುಂದ ಕಡೆಗೆ ತೆರಳುತ್ತಿದ್ದ ವೇಳೆ ಅವಘಡ ಸಂಭವಿಸಿದೆ. 

ನಾಗೇಶ್‌ ಅವರು ಶಿರೂರಿನ ದೊಂಬೆ ನಿವಾಸಿಯಾಗಿದ್ದಾರೆ. 

ಬೈಂದೂರು ಠಾಣಾ ವ್ಯಾಪ್ತಿಯಲ್ಲಿ ಪ್ರಕರಣ ದಾಖಲಾಗಿದೆ.