Bihar ಸೇತುವೆ ಕುಸಿತ: ಜೂನ್‌ ಬಳಿಕ ಇದು 15ನೇ ಪ್ರಕರಣ

ಹಾಜೀಪುರ್‌: ಬಿಹಾರದಲ್ಲಿ ಸೇತುವೆ ಕುಸಿತದ ಸರಣಿಗೆ ಮತ್ತೂಂದು ಸೇತುವೆ ಸೇರ್ಪಡೆಯಾಗಿದ್ದು, ಬಿಹಾರದ ವೈಶಾಲಿ ಜಿಲ್ಲೆಯಲ್ಲಿ ಸಣ್ಣ ಸೇತುವೆ ಯೊಂದು ಕುಸಿದಿದೆ. ಈ ಕುರಿತು ಪ್ರತಿಕ್ರಿಯಿಸಿರುವ ಜಿಲ್ಲಾಡಳಿತ, ಶನಿವಾರ ಕುಸಿದ ಸೇತುವೆಯನ್ನು 20 ವರ್ಷಗಳ ಹಿಂದೆ ಸ್ಥಳೀಯ ಶಾಸಕರ ಸ್ಥಳೀಯ ಅಭಿವೃದ್ಧಿ ನಿಧಿಯನ್ನು ಬಳಸಿ ಕಟ್ಟಲಾಗಿತ್ತು.

2021ರಲ್ಲಿ ಪ್ರವಾಹದಿಂದ ಸೇತುವೆಯು ಹಾನಿಗೀಡಾಗಿದ್ದ ಕಾರಣ ಈ ಸೇತುವೆಯನ್ನು ಜನರ ಓಡಾಟದಿಂದ ಮುಕ್ತಗೊಳಿಸಲಾಗಿತ್ತು. ಆದರೆ ಶನಿವಾರ ಮತ್ತೆ ಉಕ್ಕೇರಿ ಬಂದ ನೆರೆಯ ಕಾರಣ ಸೇತುವೆಯು ಸಂಪೂರ್ಣ ಕೊಚ್ಚಿ ಹೋಗಿದೆ ಎಂದಿದೆ. ಜೂನ್‌ನಿಂದ ಬಿಹಾರದಲ್ಲಿ ಸಂಭವಿಸಿರುವ 15ನೇ ಸೇತುವೆ ಕುಸಿತ ಪ್ರಕರಣ ಇದಾಗಿದೆ.