Advertisement
ಭಾರತ ತಂಡಕ್ಕೆ ಮರಳುವವರು ಒಂದಾದರೂ ದೇಶಿ ಕ್ರಿಕೆಟ್‌ ಪಂದ್ಯ ವನ್ನು ಆಡಬೇಕೆನ್ನುವ ಬಿಸಿಸಿಐ ನಿಯಮದಂತೆ ಅವರು ರಣಜಿ ಟ್ರೋಫಿ ಪಂದ್ಯಾವಳಿಯ 7ನೇ ಸುತ್ತಿನ ಸ್ಪರ್ಧೆಯಲ್ಲಿ ಸೌರಾಷ್ಟ್ರವನ್ನು ಪ್ರತಿನಿಧಿ ಸಲಿದ್ದಾರೆ. ತಮಿಳುನಾಡು ವಿರುದ್ಧದ ಈ ಪಂದ್ಯ ಚೆನ್ನೈಯಲ್ಲಿ ನಡೆಯಲಿದೆ. ಇಲ್ಲಿ ಜಡೇಜ ಸೌರಾಷ್ಟ್ರ ತಂಡದ ನಾಯಕರಾಗಿರುವುದು ವಿಶೇಷ.
ಅಂದಹಾಗೆ ರವೀಂದ್ರ ಜಡೇಜ ರಣಜಿ ಟ್ರೋಫಿ ಪಂದ್ಯವೊಂದರಲ್ಲಿ ಕಾಣಿಸಿಕೊಳ್ಳುತ್ತಿರುವುದು 2018ರ ಬಳಿಕ ಇದೇ ಮೊದಲು. ಚೇತೇಶ್ವರ್‌ ಪೂಜಾರ ಮತ್ತು ಜೈದೇವ್‌ ಉನಾದ್ಕತ್‌ ಅವರಿಗೆ ವಿಶ್ರಾಂತಿ ನೀಡಿದ ಕಾರಣ ಇಲ್ಲಿ ಜಡೇಜ ಅವರಿಗೆ ಸೌರಾಷ್ಟ್ರ ತಂಡದ ನಾಯಕತ್ವ ಒಲಿದು ಬಂದಿದೆ. ಅವರು ಪ್ರಥಮ ದರ್ಜೆ ಪಂದ್ಯದಲ್ಲಿ ತಂಡವನ್ನು ಮುನ್ನಡೆಸುತ್ತಿರುವುದು ಕೂಡ ಇದೇ ಮೊದಲು ಎಂಬುದು ವಿಶೇಷ.