ನಾಗಬನದಲ್ಲಿದ್ದ ನಾಗನ ಕಲ್ಲನ್ನು ಕಿತ್ತುಹಾಕಿದ ದುಷ್ಕರ್ಮಿಗಳು : ಪೊಲೀಸರಿಂದ ಶೋಧ ಕಾರ್ಯ

ಭಟ್ಕಳ: ಯಾರೋ ದುಷ್ಕರ್ಮಿಗಳು ಮುರ್ಡೇಶ್ವರದ ನ್ಯಾಶನಲ್ ಕಾಲೋನಿಯ ಕಿಸ್ಗಾರಮಕ್ಕಿಯಲ್ಲಿರುವ ನಾಗಬನವೊಂದರಲ್ಲಿರುವ ನಾಗದೇವರ ಕಲ್ಲು ಕಿತ್ತು ಹಾಕಿರುವ ಕುರಿತು ಮುರ್ಡೇಶ್ವರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಕಿಸಗಾರಮಕ್ಕಿ, ನ್ಯಾಶನಲ್ ಕಾಲೋನಿ, ಮಾವಳ್ಳೀ ಗ್ರಾಮದಲ್ಲಿ ಮನೆಯ ಹಿಂದುಗೆ ಕುಟುಂಬಕ್ಕೆ ಸಂಬಂಧ ಪಟ್ಟ ನಾಗದೇವರ ಬನ ಇದ್ದು ದಿನಾಲೂ ಪೂಜೆ ಸಲ್ಲಿಸುತ್ತಿರುವಲ್ಲಿ ಯಾರೋ ದುಷ್ಕರ್ಮಿಗಳು ನಾಗದೇವರ ಕಲ್ಲನ್ನೇ ಕಿತ್ತು ಒಡೆದು ಹಾಕಿ ಕುಟುಂಬಿಕರಿಗೆ ಅಪಮಾನ ಮಾಡುವುದಲ್ಲದೇ ಅವರ ಧಾರ್ಮಿಕ ಭಾವನೆಗೆ ಧಕ್ಕೆ ಬರುವಂತೆ ಮಾಡಿದ್ದಾರೆ ಎಂದು ನರಸಿಂಹ ಭೈರಾ ನಾಯ್ಕ ಎನ್ನುವವರು ಮುರ್ಡೇಶ್ವರ ಠಾಣೆಯಲ್ಲಿ ದೂರು ನೀಡಿದ್ದಾರೆ.

ಮುರ್ಡೇಶ್ವರ ಠಾಣೆಯ ಸಬ್ ಇನ್ಸಪೆಕ್ಟರ್ ರವೀಂದ್ರ ಬೀರಾದಾರ ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸಿದ್ದಾರೆ.