Bhalki: ಸಿಡಿಲು ಬಡಿದು ಕುರಿ, ಆಡುಗಳ ಸಾವು

ಭಾಲ್ಕಿ: ಸಿಡಿಲು ಬಡಿದು 29 ಆಡು ಮತ್ತು ಕುರಿಗಳು ಸಾವನ್ನಪ್ಪಿರುವ ಘಟನೆ ತಾಲೂಕಿನ ಕೋಟಗ್ಯಾಳ್ ಗ್ರಾಮದಲ್ಲಿ ಜೂ. 13ರ ಗುರುವಾರ ಸಂಜೆ ನಡೆದಿದೆ.

ಸಂತೋಷ ಕಾಶಿನಾಥ ಮೇತ್ರೆ ಎಂಬವರಿಗೆ ಸೇರಿದ 27 ಆಡು, 2 ಕುರಿ ಮತ್ತು 2 ಕುರಿ ಮರಿಗಳು ಸ್ಥಳದಲ್ಲೇ ಸಾವನ್ನಪ್ಪಿವೆ. ಸಂಜೆ ಮಳೆ ಆಗುತ್ತಿರುವಾಗ ಮರದ ಕೆಳಗೆ ನಿಂತಿದ್ದವು. ಆ ಸಮಯದಲ್ಲಿ ಸಿಡಿಲು ಬಡಿದು ಜೀವ ಕಳೆದುಕೊಂಡಿವೆ.

ಒಂದು ಆಡಿನ ಬೆಲೆ ಅಂದಾಜು 15 ಸಾವಿರ ರೂ. ಎಂದು ಅಂದಾಜಿಸಲಾಗಿದ್ದು,  ಸುಮಾರು ನಾಲ್ಕು ಲಕ್ಷ ರೂ. ನಷ್ಟವಾಗಿದೆ. ಸರ್ಕಾರ ನನ್ನ ಆರ್ಥಿಕ ಸಂಕಷ್ಟಕ್ಕೆ ನೆರವಾಗಬೇಕು ಎಂದು ಮೇತ್ರೆ ಮನವಿ ಮಾಡಿದ್ದಾರೆ