ಸರಕಾರ ರಚಿಸಲು ಇಸ್ರೇಲ್‌ ಪಿಎಂ ನೆತನ್ಯಾಹು ವಿಫ‌ಲ

ಜೆರುಸಲೇಂ: ಇಸ್ರೇಲ್‌ನ ಅತ್ಯಂತ ದೀರ್ಘಾವಧಿಯ ಪ್ರಧಾನಿ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿರುವ ಬೆಂಜಮಿನ್‌ ನೆತನ್ಯಾಹು (71)ಅವರಿಗೆ 3ನೇ ಬಾರಿಯೂ ಸರಕಾರ ರಚಿಸಲು ಸಾಧ್ಯವಾಗಿಲ್ಲ. ಈ ಬಗ್ಗೆ ಅವರಿಗೆ ಮಂಗಳವಾರ ಮಧ್ಯ ರಾತ್ರಿಯ ವರೆಗೆ ಅವಕಾಶ ನೀಡಲಾಗಿತ್ತು.

ಎ.6ರಂದು ಸಂಸತ್‌ ಚುನಾವಣೆಯಲ್ಲಿ ನೆತನ್ಯಾಹು ಅವರ ಲಿಕುಡ್‌ ಪಕ್ಷ 30 ಸ್ಥಾನಗಳನ್ನು ಗಳಿಸಿತ್ತು. ಸಂಸತ್‌ನ 120 ಸ್ಥಾನಗಳ ಪೈಕಿ ಸರಳ ಬಹುಮತಕ್ಕೆ 61 ಸ್ಥಾನಗಳು ಬೇಕು. ಈ ಹಿನ್ನೆಲೆಯಲ್ಲಿ ರಾಷ್ಟ್ರಪತಿ ರುÂವೆನ್‌ ರಿವಿÉಲ್‌ ಇತರ ಪಕ್ಷಗಳಾಗಿರುವ ಯೆಶ್‌ ಅತಿಡ್‌ನ‌ ಅಧ್ಯಕ್ಷ ಯೈಪ್‌ ಲಾಪಿಡ್‌ ಮತ್ತು ಯಮಿನಾ ಪಾರ್ಟಿಯ ಅಧ್ಯಕ್ಷ ನಾಫ್ಟೈಲ್‌ ಬೆನ್ನೆಟ್‌ ಜತೆಗೆ ಮಾತುಕತೆ ನಡೆಸಿದ್ದಾರೆ.

ಈ ಸಂದರ್ಭದಲ್ಲಿ ಇಬ್ಬರು ನಾಯಕರು ಸರಕಾರ ರಚನೆಯ ಅವಕಾಶ ನೀಡುವಂತೆ ಮನವಿ ಮಾಡಿದ್ದಾರೆ. ನೆನನ್ಯಾಹುಗೆ ಹಿನ್ನಡೆ ಎಂಬಂತೆ ರಕ್ಷಣ ಸಚಿವ ಮತ್ತು ದ ಬ್ಲೂ ಆ್ಯಂಡ್‌ ವ್ಹೆ„ಟ್‌ ಪಾರ್ಟಿಯ ಅಧ್ಯಕ್ಷ ಬೆನ್ನಿ ಗಾಂಟ್ಜ್ ಕೂಡ ಇತರ ಪಕ್ಷಗಳಿಗೆ ಸರಕಾರ ರಚನೆ ಮಾಡಲು ಆಹ್ವಾನ ನೀಡಬಹುದು ಎಂದು ರಾಷ್ಟ್ರಪತಿ ರಿವಿÉನ್‌ಗೆ ಶಿಫಾರಸು ಮಾಡಿದ್ದಾರೆ.