ಬೆಳ್ವೆ: ಹಲ್ಲೆ; ಜೀವ ಬೆದರಿಕೆ

ಸಿದ್ದಾಪುರ: ದನದ ಕರು ಗೇರು ಗಿಡ ತಿಂದು ಹಾಕಿದೆ ಎಂದು ಪಕ್ಕದ ಮನೆಯವರು ಗಂಭೀರ ಹಲ್ಲೆ ನಡೆಸಿದ ಘಟನೆ ಬೆಳ್ವೆ ಗ್ರಾಮದ ಸುರ್ಗೋಳ್ಳಿ ಮೆಲ್ಮನೆ ಎಂಬಲ್ಲಿ ಸಂಭವಿಸಿದೆ.
ಸುರ್ಗೋಳ್ಳಿ ಮೇಲ್ಮನೆ ಕೀರ್ತಿರಾಜ್‌ ಶೆಟ್ಟಿ (27) ಅವರ ಮನೆಯ ದನದ ಕರು ಗೇರು ಗಿಡ ತಿಂದು ಹಾಕಿದೆ ಎಂದು ಮೋಹನ ಶೆಟ್ಟಿ ಮತ್ತು ಸಂದೀಪ ಶೆಟ್ಟಿ ಅವರು ಪಕ್ಕದ ಮನೆಯ ಕೀರ್ತಿರಾಜ್‌ ಶೆಟ್ಟಿ ರಾತ್ರಿ ಸಮಯದಲ್ಲಿ ಬಾವಿಯ ಪಂಪ್‌ಸೆಟ್‌ ಸ್ವಿಚ್‌ ಹಾಕಲು ಬಂದಾಗ ಅವರ ಮೇಲೆ ಹಲ್ಲೆ ನಡೆಸಿದರು.

ಪ್ರಾಣ ಭಯದಿಂದ ಮನೆಗೆ ಓಡಿದ ಸಂದರ್ಭ ಕೈಯಲ್ಲಿ ಕತ್ತಿ ಹಿಡಿದು ಬೆನ್ನಟ್ಟಿದ ಆರೋಪಿಗಳು ಮನೆಯ ಅಂಗಳಕ್ಕೆ ಬಂದು ಜೀವ ಬೆದರಿಕೆ ಹಾಕಿದ್ದಾರೆ ಎಂದು ಕೀರ್ತಿರಾಜ್‌ ಶೆಟ್ಟಿ ಪೊಲೀಸರಿಗೆ ದೂರು ನೀಡಿದರು.

ಶಂಕರನಾರಾಯಣ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.