Belthangady ಕಲ್ಲಗುಡ್ಡೆ: ಬೈಕ್‌ಗಳೆರಡರ ನಡುವೆ ಅಪಘಾತ; ಮಗು ಸಹಿತ ನಾಲ್ವರಿಗೆ ಗಂಭೀರ ಗಾಯ

ಬೆಳ್ತಂಗಡಿ: ಮೇಲಂತಬೆಟ್ಟು ಗ್ರಾಮದ ಕಲ್ಲಗುಡ್ಡೆ ಸಮೀಪ ಬೈಕ್‌ಗಳೆರಡು ಪರಸ್ಪರ ಢಿಕ್ಕಿಯಾಗಿ ಮಗು ಸಹಿತ ನಾಲ್ವರು ಗಂಭೀರ ಗಾಯಗೊಂಡಿರುವ ಘಟನೆ ಆ. 30ರಂದು ಬೆಳಗ್ಗೆ ನಡೆದಿದೆ.

ಬೆಳ್ತಂಗಡಿಯಿಂದ ಸವಣಾಲು ಕಡೆಗೆ ತೆರಳುತ್ತಿದ್ದ ಲಾೖಲ ಕನ್ನಾಜೆ ನಿವಾಸಿ ಬೈಕ್‌ ಸವಾರ ರಾಕೇಶ್‌ (24) ಹಾಗೂ ಸವಣಾಲು ಕಡೆಯಿಂದ ಬೆಳ್ತಂಗಡಿಗೆ ಬರುತ್ತಿದ್ದ ಕನ್ನಾಜೆ ನಿವಾಸಿಗಳಾದ ತೋಮಸ್‌ ಕಾರ್ಲೊ(62), ಬೆನೆಡಿಕ್ಟ್ ಫೆರ್ನಾಂಡಿಸ್‌ (54) ಅವರ ತಲೆಗೆ ಗಂಭೀರ ಗಾಯವಾಗಿದ್ದು, ಮೂರು ವರ್ಷದ ಮಗು ಜೀತ್‌ ಮೆಲ್ರೋನ್‌ ಪಿಂಟೋ ಗಾಯದೊಂದಿಗೆ ಮಂಗಳೂರು ಖಾಸಗಿ ಆಸ್ಪತ್ರೆಯಲ್ಲಿ ದಾಖಲಾಗಿದ್ದಾರೆ.