ಬೆಳಗಾವಿ: ಭಾರೀ ಮಳೆ ಪ್ರವಾಹಕ್ಕೆ 1 ಬಲಿ

ಬೆಳಗಾವಿ:  ಜಿಲ್ಲೆಯಲ್ಲಿ ಕುಂಭದ್ರೋಣ ಮಳೆಗೆ ಉಂಟಾದ ಕೃಷ್ಣೆಯ ಪ್ರವಾಹ ಪ್ರಹಾರಕ್ಕೆ ಮೊದಲ ಬಲಿಯಾಗಿದೆ .ಕೃಷ್ಣಾ ನದಿ ದಡದ ಅಥಣಿ ತಾಲೂಕಿನ ಗ್ರಾಮದಲ್ಲಿ ಜಾನುವಾರುಗಳಿಗೆ ಮೇವು ನೀಡಲು ಹೋಗಿ ನೀರಿನ ಪ್ರವಾಹಕ್ಕೆ ವ್ಯಕ್ತಿ ಮೃತಪಟ್ಟಿದ್ದಾನೆ.

ಅಥಣಿ ತಾಲೂಕಿನ ಹುಲಗಬಾಳಿ ಗ್ರಾಮದ ಮಾಂಗ ತೋಟದ ಮನೆಯ ಬಳಿ ಈ ಘಟನೆ ನಡೆದಿದೆ .

ಮಾರುತಿ ಹರಿಬಾ ಜಾಧವ್ (34) ಮೃತ ವ್ಯಕ್ತಿ ಎಂದು ಗುರುತಿಸಲಾಗಿದೆ.

ನಿನ್ನೆ ಜಾನುವಾರುಗಳನ್ನು ಬಿಟ್ಟು ಕೇವಲ ಮಾರುತಿ ಕುಟುಂಬವನ್ನಷ್ಟೆ ಸ್ಥಳಾಂತರಿಸಲಾಗಿತ್ತು ಆದರೆ ಜಾನುವಾರು ತೋಟದ ಮನೆಯಲ್ಲೆ ಇದ್ದದ್ದರಿಂದ ತೋಟಕ್ಕೆ ಈಜಿ ಹೋಗಿದ್ದ ಮಾರುತಿ,ನೀರಿನ ರಭಸಕ್ಕೆ ಕೊಚ್ಚಿ ಹೋಗಿ ಸಾವಿಗಿಡಾಗಿದ್ದಾನೆ.