Beijing: ಕಾಣೆಯಾದ ರಕ್ಷಣ ಸಚಿವನ ವಜಾ!

ಬೀಜಿಂಗ್‌: ಕಳೆದ 2 ತಿಂಗಳಿಂದ ನಾಪತ್ತೆಯಾಗಿದ್ದ ಚೀನದ ರಕ್ಷಣ ಸಚಿವ ಜ| ಲಿ ಶಾಂಗ್‌ಫ‌ು ಅವರನ್ನು ಚೀನದ ಜಿನ್‌ಪಿಂಗ್‌ ಸರಕಾರ ಮಂಗಳವಾರ ವಜಾಗೊಳಿಸಿ ಆದೇಶ ಹೊರಡಿಸಿದೆ! ಅಚ್ಚರಿ­ಯೆಂದರೆ ದೇಶದ ಉನ್ನತ ಹುದ್ದೆಯಲ್ಲಿರುವ ವ್ಯಕ್ತಿಯೊಬ್ಬರು ಕಣ್ಮರೆಯಾಗಿದ್ದರೂ ಅವರೆಲ್ಲಿದ್ದಾರೆ, ಅವರಿಗೇನಾಯಿತು ಎಂಬ ಬಗ್ಗೆ ವಿವರಣೆಯನ್ನೇ ನೀಡದೆ, ಕ್ಷುಲ್ಲಕ ನೆಪ ಹೇಳಿ ಹುದ್ದೆಯಿಂದ ವಜಾಗೊಳಿಸಲಾಗಿದೆ.

ಜ| ಲಿ ಶಂಗ್ಫು ಅವರು ಈ ವರ್ಷ ಚೀನದಲ್ಲಿ ಕಾಣೆಯಾಗಿರುವ 2ನೇ ಉನ್ನತ ಅಧಿಕಾರಿಯಾಗಿದ್ದಾರೆ. ಇದಕ್ಕೂ ಮುನ್ನ ಮಾಜಿ ವಿದೇಶಾಂಗ ಸಚಿವ ಕ್ವಿನ್‌ ಗ್ಯಾಂಗ್‌ ಕೂಡ ಕಾಣೆಯಾಗಿದ್ದು, ಅವರ ಬಗ್ಗೆಯೂ ಯಾವುದೇ ಮಾಹಿತಿ ನೀಡದೆ ಚೀನ ಸರಕಾರ ಹುದ್ದೆಯಿಂದ ಕೆಳಗಿಳಿಸಿತ್ತು. ಈ ಇಬ್ಬರೂ ಅಧಿಕಾರಿಗಳು ಚೀನ ಅಧ್ಯಕ್ಷ ಕ್ಸಿ ಜಿನ್‌ಪಿಂಗ್‌ ಅವರ ಸರಕಾರದ ಬಗ್ಗೆ ಕೆಲವು ಪ್ರಶ್ನೆಗಳನ್ನೆತ್ತಿದ್ದರು ಎಂಬುದು ಗಮನಾರ್ಹ.