ಐಪಿಎಲ್‌ ಮಾಲಕರ ಜತೆ ಬಿಸಿಸಿಐ ಸಭೆ

ಹೊಸದಿಲ್ಲಿ: ಮುಂಬರುವ 15ನೇ ಆವೃತ್ತಿಯ ಐಪಿಎಲ್‌ಗೆ ಪ್ಲ್ರಾನ್‌-ಬಿ ಕುರಿತು ಚರ್ಚಿಸಲು ಮುಂದಿನ ತಿಂಗಳು ಎಲ್ಲ ಫ್ರಾಂಚೈಸಿಗಳೊಂದಿಗೆ ಸಭೆ ನಡೆಸಲು ಬಿಸಿಸಿಐ ನಿರ್ಧರಿಸಿದೆ.

ಭಾರತದಲ್ಲಿ ಒಮಿಕ್ರಾನ್‌ ಪ್ರಕರಣ ಹೆಚ್ಚುತ್ತಿರುವುದರಿಂದ ಬಿಸಿಸಿಐ ಆತಂಕಕ್ಕೆ ಒಳಗಾಗಿದ್ದು, ಏಪ್ರಿಲ್-ಮೇ ತಿಂಗಳಲ್ಲಿ ಇದರ ಪರಿಣಾಮದ ಬಗ್ಗೆ ಚರ್ಚಿಸಲು ಮುಂದಾಗಿದೆ.

ಮುಂಬಯಿ, ಪುಣೆಯಲ್ಲಿ ಟೂರ್ನಿ?
ಮುಂಬಯಿ ಮತ್ತು ಪುಣೆ ಅಥವಾ ಗುಜರಾತ್‌ನಲ್ಲಿ ಐಪಿಎಲ್‌ ಪಂದ್ಯಾವಳಿ ಯನ್ನು ಆಯೋಜಿಸಲು ಬಿಸಿಸಿಐ ಯೋಚಿಸುತ್ತಿದೆ ಎಂದು ವರದಿಯಾಗಿದೆ.

ಇದನ್ನೂ ಓದಿ:ಪ್ರೊ ಕಬಡ್ಡಿ: ಬೆಂಗಳೂರು ಬುಲ್ಸ್‌ಗೆ ತಲೆಬಾಗಿದ ತಮಿಳ್‌ ತಲೈವಾಸ್‌

ಕಳೆದ ಸಲದಂತೆ ಯುಎಇಯಲ್ಲಿ ಕೂಟವನ್ನು ಆಯೋಜಿಸಲು ಮಂಡಳಿಯು ಯೋಚಿಸುತ್ತಿಲ್ಲ ಎಂದು ಕೆಲವು ಫ್ರಾಂಚೈಸಿಗಳ ಅಧಿಕಾರಿಗಳು ತಿಳಿಸಿದ್ದಾರೆ.