ಐತಿಹಾಸಿಕ ಟೆಸ್ಟ್‌: ಅಫ್ಘಾನ್‌ ಅಧ್ಯಕ್ಷರಿಗೆ ಬಿಸಿಸಿಐ ಆಹ್ವಾನ

ಹೊಸದಿಲ್ಲಿ: ನೂತನವಾಗಿ ಟೆಸ್ಟ್‌ ಮಾನ್ಯತೆ ಪಡೆದಿರುವ ಅಫ್ಘಾನಿಸ್ಥಾನ ಭಾರತದ ವಿರುದ್ಧ ತನ್ನ ಮೊದಲ ಪಂದ್ಯವನ್ನು ಆಡಲಿದೆ. ಈ ಐತಿಹಾಸಿಕ ಟೆಸ್ಟ್‌ ಪಂದ್ಯವನ್ನು ವೀಕ್ಷಿಸಲು ಆಗಮಿಸುವಂತೆ ಅಫ್ಘಾನಿಸ್ಥಾನ ಅಧ್ಯಕ್ಷ ಅಶ್ರಫ್ ಘನಿ ಅವರಿಗೆ ಬಿಸಿಸಿಐ ಆಹ್ವಾನ ನೀಡಿದೆ.

ಮಂಗಳವಾರ ಬಿಸಿಸಿಐ ನಿಯೋಗವೊಂದು ಅಫ್ಘಾನಿಸ್ಥಾನ ಕ್ರಿಕೆಟ್‌ ಮಂಡಳಿ ಅಧ್ಯಕ್ಷ ಅತಿಫ್ ಮಶಾಲ್‌ ಜತೆ ಅಫ್ಘಾನ್‌ ಅಧ್ಯಕ್ಷಯೊಂದಿಗೆ ದ್ವಿಪಕ್ಷೀಯ ಕ್ರಿಕೆಟ್‌ ಸರಣಿ ಹಾಗೂ ಕ್ರಿಕೆಟ್‌ ಬೆಳವಣಿಗೆಗಳ ಕುರಿತು ಚರ್ಚಿಸಿತ್ತು. ಈ ಸಂದರ್ಭದಲ್ಲಿ ಅಶ್ರಫ್ ಘನಿ ಅವರಿಗೆ ಟೆಸ್ಟ್‌ ಪಂದ್ಯ ವೀಕ್ಷಣೆಗೆ ಆಹ್ವಾನ ನೀಡಲಾಯಿತು. ಆದರೆ ಘನಿ ಈ ಆಹ್ವಾನವನ್ನು ಒಪ್ಪಿದ್ದಾರೋ ಇಲ್ಲವೋ ಎಂಬುದು ಖಚಿತಪಟ್ಟಿಲ್ಲ.

ಸರಣಿಯ ಈ ಏಕೈಕ ಟೆಸ್ಟ್‌ ಪಂದ್ಯ ಬೆಂಗಳೂರಿನ ಎಂ. ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ಜೂ. 14ರಿಂದ ಆರಂಭವಾಗಲಿದೆ.