ಬಿ.ಸಿ.ರೋಡ್‌: ಸಂಚಾರ ಅಡಚಣೆ

ಬಂಟ್ವಾಳ : ಮಂಗಳೂರು-ಬೆಂಗಳೂರು ರಾಷ್ಟ್ರೀಯ ಹೆದ್ದಾರಿ ಬಿ.ಸಿ.ರೋಡ್‌ನ‌ ಸರ್ವಿಸ್‌ ರಸ್ತೆಯಲ್ಲಿ  ರಸ್ತೆ ಸಂಚಾರಕ್ಕೆ ತೊಡಕು  ಉಂಟಾಗಿತ್ತು. ರಸ್ತೆಗೆ ಚರಂಡಿ ಮಣ್ಣನ್ನು ಹಾಕಿದ್ದು  ರಸ್ತೆ ಇಕ್ಕಟ್ಟಾಗಿತ್ತು.  ನಿನ್ನೆ ಮಂಗಳವಾರವೂ ಸ್ವಲ್ಪ ಹೊತ್ತು ಸಂಚಾರ ಅಡಚಣೆ ಉಂಟಾಗಿತ್ತು. ಬುಧವಾರ ದಿನಪೂರ್ತಿ ಸಂಚಾರ ಅಡಚಣೆಯನ್ನು ಎದುರಿಸುವಂತಾಗಿದ್ದು, ಬೆಳಗ್ಗೆ 9 ಗಂಟೆಯ ಹೊತ್ತಿಗೆ ಮತ್ತು ಸಂಜೆ 4ಗಂಟೆ ಬಳಿಕ ಕಚೇರಿ ಮತ್ತು ಶಾಲಾ ಮಕ್ಕಳ ಸಂಚಾರ ನಿಬಿಡತೆಯ ಹೊತ್ತಿಗೆ ವಾಹನಗಳ ಸರತಿಯ ಸಾಲು ಮೈಲುದ್ದಕ್ಕೆ ಉಂಟಾಗಿತ್ತು.

ರಸ್ತೆ ಬದಿ ಜೆಸಿಬಿ ಬಳಸಿ ಚರಂಡಿ ಕಾಮಗಾರಿ ನಡೆಯುತ್ತಿದ್ದು  ಇದೇ ಸಂದರ್ಭ ಮಂಗಳೂರು ಕಡೆಗೆ ಹೋಗುವ ಬಿ.ಸಿ. ರೋಡ್‌ ಸರ್ವಿಸ್‌ ರಸ್ತೆಯನ್ನು ಕಾಮಗಾರಿ ನಿರ್ವಹಿಸುವುದಕ್ಕಾಗಿ ಬ್ಲಾಕ್‌ ಮಾಡಿ ನಿರ್ಬಂಧಿಸಲಾಗಿತ್ತು. ಫ್ಲೆ$çಒವರ್‌ನಲ್ಲಿ ದ್ವಿಮುಖ ಸಂಚಾರ ಮತ್ತು ಸರ್ವಿಸ್‌ ರಸ್ತೆಯಲ್ಲಿ ಎಂದಿನಂತೆ ಏಕಮುಖ ಸಂಚಾರ ನೀಡಿದ್ದು ಅಡಚಣೆಗೆ ಕಾರಣವಾಗಿತ್ತು.