BBK11: ಶುಚಿತ್ವವಿಲ್ಲ ಎಂದಿದ್ದಕ್ಕೆ ಹೂಸ್‌ ಬಿಡೋದು ತಪ್ಪಾ ಎಂದ ಹನುಮಂತು.!

ಬೆಂಗಳೂರು: ಬಿಗ್‌ಬಾಸ್‌ (Bigg Boss Kannada-11) ಮನೆಯಲ್ಲಿ ಆರನೇ ವಾರ ಯಾವುದೇ ಎಲಿಮಿನೇಷನ್‌ ಆಗಿಲ್ಲ. ಆದರೆ ಮುಂದಿನ ವಾರ ಮಿಡ್‌ ವೀಕ್‌ ಎಲಿಮಿನೇಷನ್‌ ಅಥವಾ ಡಬಲ್‌ ಎಲಿಮಿನೇಷನ್‌ ಇದ್ದರೂ ಅಚ್ಚರಿಪಡಬೇಕಿಲ್ಲ.

ಎಲಿಮಿನೇಷನ್‌ ಹಂತದಿಂದ ಕೊನೆ ಕ್ಷಣದಲ್ಲಿ ಪಾರಾಗಿ ಬಂದ ಭವ್ಯ ಗೌಡ ಅವರಿಗೆ ಬಿಗ್‌ ಬಾಸ್‌ ಎಚ್ಚರಿಕೆ ಜತೆಗೆ ತಮ್ಮನ್ನು ತಾವು ಸಾಬೀತು ಮಾಡಿಕೊಳ್ಳಲು ಮತ್ತೊಂದು ಅವಕಾಶ ನೀಡಿದ್ದಾರೆ. ಅದನ್ನು ಅವರು ಹೇಗೆ ಬಳಸಿಕೊಳ್ಳುತ್ತಾರೆ ಎನ್ನುವುದನ್ನು ಕಾದುನೋಡಬೇಕಿದೆ.

ಆಟದ ರೋಚಕತೆಯನ್ನು ಬದಲಾಯಿಸಲು ಬಿಗ್‌ ಬಾಸ್‌ ಸ್ಪರ್ಧಿಗಳನ್ನು ಜೋಡಿಗಳಾಗಿ ವಿಂಗಡಿಸಿದ್ದಾರೆ.

ಹನುಮಂತು – ಗೌತಮಿ, ಧರ್ಮ – ಐಶ್ವರ್ಯಾ, ಚೈತ್ರಾ – ಶಿಶಿರ್‌, ಮಂಜು – ಭವ್ಯ, ಅನುಷಾ – ಸುರೇಶ್‌, ಮೋಕ್ಷಿತ – ಧನರಾಜ್ ಅವರನ್ನು ಜೋಡಿಗಳಾಗಿ ಮಾಡಿರುವುದನ್ನು ಪ್ರೋಮೊದಲ್ಲಿ ತೋರಿಸಲಾಗಿದೆ.

ಇಬ್ಬರನ್ನು ಜತೆಯಾಗಿ ಕಟ್ಟಿದ್ದಾರೆ. ಧರ್ಮ ಅವರ ಜತೆಯಾಗಿರುವ ಐಶ್ವರ್ಯಾ ಅವರು ಮೇಕಪ್‌ ಮಾಡಿಕೊಳ್ಳಲು ಹೋಗಿದ್ದು, ಅವರಿಗೆ ಮೇಕಪ್‌ ಮ್ಯಾನ್‌ ಆಗಿ ಧರ್ಮ ಅವರು ಸಾಥ್‌ ನೀಡಿದ್ದಾರೆ.

ಈ ವೇಳೆ ಬಿಗ್‌ ಬಾಸ್‌ ಈ ಮನೆಯಲ್ಲಿ ಶುಚಿತ್ವವನ್ನು ಕಾಪಾಡಿಕೊಳ್ಳದ ಸದಸ್ಯ ಯಾರೆಂದು ಪ್ರಶ್ನೆ ಕೇಳಲಾಗಿದೆ. ಇದಕ್ಕೆ ಬಹುತೇಕರು ಹನುಮಂತು ಎಂದು ಹೇಳಿದ್ದಾರೆ.‌

ನನ್ನ ಹೆಸರು ಬರೆದು ಬಿಡೋದ, ನಾನೇನು ಕೇಳಲ್ಲ ಅಂಥ. ಈ ಮನೆಯಲ್ಲಿ ಹೂಸು ಬಿಡೋದು ತಪ್ಪಾ ಎಂದು ಹನುಮಂತು ಹೇಳಿರುವುದನ್ನು ಪ್ರೋಮೊದಲ್ಲಿ ತೋರಿಸಲಾಗಿದೆ.

ಸೋಮವಾರ ರಾತ್ರಿ (ನ.11ರಂದು) ಈ ಸಂಚಿಕೆ ಪ್ರಸಾರವಾಗಲಿದೆ.