BBK11: ಜೋಡಿ ಹಕ್ಕಿ ಅನುಷಾ-ಧರ್ಮ ನಡುವೆ ವಾಗ್ವಾದ.. ನಾನು ನಾಲಾಯಕ್‌ ಎಂದ ಕ್ಯಾಡ್ಬರಿಸ್ ಹೀರೋ

ಬೆಂಗಳೂರು: ಬಿಗ್‌ ಬಾಸ್‌ ಮನೆಯಲ್ಲಿ (Bigg Boss Kannada-11) ಡೈರೆಕ್ಟ್‌ ನಾಮಿನೇಷನ್‌ ಪ್ರಕ್ರಿಯೆ ಆರಂಭಗೊಂಡಿದ್ದು, ಸ್ಪರ್ಧಿಗಳ ನಡುವೆ ಕಿತ್ತಾಟಕ್ಕೆ ಕಾರಣವಾಗಿದೆ. ಸ್ನೇಹಿತರಂತಿದ್ದ ಸ್ಪರ್ಧಿಗಳು ವೈರಿಗಳಂತೆ ಮಾತಿಗೆ ಮಾತು ಬೆಳೆಸಿ ವಾಗ್ವಾದ ನಡೆಸಿದ್ದಾರೆ.

ಸ್ಪರ್ಧಿಗಳು ಜೋಡಿಗಳಾಗಿ ಬದಲಾಗಿದ್ದು, ಈ ವಾರ ಮನೆಯಿಂದ ಆಚೆ ಹೋಗಲು ಈ ಜೋಡಿಗಳೇ ಎದುರಾಳಿ ಜೋಡಿಗೆ ನೇರವಾಗಿ ನಾಮಿನೇಟ್ ಮಾಡಲಿದ್ದಾರೆ.

ಧನರಾಜ್‌ , ಮೋಕ್ಷಿತಾ ಅವರ ಗೋಲ್ಡ್‌ ಸುರೇಶ್‌, ಅನುಷಾ ಅವರ ಹೆಸರನ್ನು ನಾಮಿನೇಷನ್‌ಗೆ ಹೇಳಿದ್ದಾರೆ. ಇನ್ನೊಂದು ಕಡೆ ಐಶ್ವರ್ಯಾ, ಧರ್ಮ ಅವರು ಸಹ ಸುರೇಶ್‌, ಅನುಷಾ ಅವರ ಹೆಸರನ್ನೇ ಹೇಳಿದ್ದಾರೆ. ಗೌತಮಿ, ಹನುಮಂತು ಕೂಡ ಸುರೇಶ್‌ ಅವರ ಹೆಸರನ್ನು ಹೇಳಿದ್ದಾರೆ.

ನಿಮ್ಮ ನಗು ಫೇಕ್‌ ಅಂಥ ಅನ್ನಿಸುತ್ತದೆ ಎಂದು ಗೌತಮಿ ಸುರೇಶ್‌ ಅವರ ನಾಮಿನೇಷನ್‌ಗೆ ಕಾರಣವನ್ನು ನೀಡಿದ್ದಾರೆ. ಅನುಷಾ ಅವರು ಭಾಗವಹಿಸುವಿಕೆ ಮನೆಯಲ್ಲಿ ಅಷ್ಟಾಗಿ ಇಲ್ಲ ಎಂದು ಚೈತ್ರಾ ಹೇಳಿದ್ದು, ಇನ್ನೊಂದೆಡೆ ಮನರಂಜನೆ ಫ್ಯಾಕ್ಟ್ ನಲ್ಲೂ ಅನುಷಾ ಕಾಣಿಸಿಕೊಂಡಿಲ್ಲ ಎಂದು ಮೋಕ್ಷಿತ ಅವರು ಕಾರಣವನ್ನು ನೀಡಿ ನಾಮಿನೇಟ್ ಮಾಡಿದ್ದಾರೆ.

ಇತ್ತ ಧರ್ಮ ಅವರು ತನ್ನ ಆಪ್ತೆ ಸ್ನೇಹಿತೆ ಅನುಷಾ ಅವರನ್ನೇ ನಾಮಿನೇಟ್‌ ಮಾಡಿದ್ದು, ಅವರು ಗೇಮ್‌ ವಿಚಾರದಲ್ಲಿ ಸ್ವಲ್ಪ ಮುನ್ನುಗ್ಗಬೇಕೆಂದು ಹೇಳಿದ್ದಾರೆ.

ಎಲ್ಲರ ಕಾರಣವನ್ನು ಕೇಳಿದ ಅನುಷಾ ಅವರು, “ಮೋಕ್ಷಿತಾ ನೀವೆಷ್ಟು ಮನರಂಜನೆಯಲ್ಲಿ ತೊಡಗಿಕೊಂಡಿದ್ದೀರಿ. ಗೌತಮಿ ನಿಮ್ಮ ಮುಖದ ಎದುರು ಹೇಳ್ತೇನೆ ನೀವು ಫೇಕ್.‌ ಧರ್ಮ ಅವರೇ ನೀವೆಷ್ಟು ಆ್ಯಗರ್ಷನ್ ಆಗಿದ್ದೀರಿ. ನೀವೇನು ಆಟ ಆಡಲೇ ಇಲ್ಲ. ಈ ಮನೆಯಲ್ಲಿ ನಿಮ್ಮದ್ದೆಷ್ಟು ಪಾಲಿದೆ ಎಂದು ತರಾಟೆಗೆ ತೆಗೆದುಕೊಂಡಿದ್ದಾರೆ.

ಆಯಿತು ನಾನು ಒಪ್ಪಿಕೊಳ್ಳುತ್ತೀನಿ. ಎಲ್ಲರೂ ನನ್ನನ್ನು ನಾಲಾಯಾಕ್‌ ಬೇವರ್ಸಿ ಎಂದಿದ್ದೀರಾ ಎಂದು ಹೇಳಿದ್ದಾರೆ.

ಈ ಸಂಚಿಕೆ ಮಂಗಳವಾರ (ನ.12ರಂದು) ರಾತ್ರಿ 9:30ಕ್ಕೆ ಪ್ರಸಾರವಾಗಲಿದೆ.