BBK11: ಎರಡೇ ವಾರದಲ್ಲಿ ಬಿಗ್ ಬಾಸ್ ನರಕದ ಮನೆ ಧ್ವಂಸ

ಬೆಂಗಳೂರು: ಬಿಗ್ ಬಾಸ್ ಕನ್ನಡ (Bigg Boss Kannada-11) ಮನೆಯ ಸ್ವರ್ಗ – ನರಕದ ಮನೆಗಳೆರಡು ಒಂದಾಗಿದೆ.

ಬಿಗ್ ಬಾಸ್ ಸೀಸನ್ -11 ಎರಡನೇ ವಾರಕ್ಕೆ ಕಾಲಿಟ್ಟಿದೆ. ಆರಂಭದಲ್ಲಿ ಸ್ವರ್ಗ – ನರಕ ಎನ್ನುವ ಕಾನ್ಸೆಪ್ಟ್ ನಲ್ಲಿ ಬಂದಿದ್ದ  ಈ ಬಾರಿಯ ಬಿಗ್ ಬಾಸ್ ಹೋಗುತ್ತಾ ಹೋಗುತ್ತಾ ಎರಡು ಮನೆಗಳ ಸ್ಪರ್ಧಿಗಳು  ಕಿತ್ತಾಟ- ರಾದ್ದಾಂತಗಳಿಂದ ಸದ್ದು ಮಾಡಿದೆ.

ಜಗದೀಶ್ ಸೇರಿದಂತೆ ಇತರೆ ಸ್ಪರ್ಧಿಗಳು ಎರಡನೇ ವಾರಕ್ಕೆ ಅಸಲಿ ಬಿಗ್ ಬಾಸ್ ಆಟವನ್ನು ಆಡಲು ಶುರು ಮಾಡಿದ್ದಾರೆ. ಸ್ನೇಹಿತರಂತಿದ್ದ ಸ್ಪರ್ಧಿಗಳು ಗೇಮ್ ವಿಚಾರದಲ್ಲಿ ಬದ್ಧ ವೈರಿಗಳಂತೆ ಕಾದಾಡಿದ್ದಾರೆ.

ಸ್ವರ್ಗ – ನರಕ ಎನ್ನುವ ಮನೆಯನ್ನು ಧ್ವಂಸ ಮಾಡಲಾಗಿದೆ. ಎಮರ್ಜೆನ್ಸಿ ಸೈರನ್ ಬಂದು ಮುಸುಕುಧಾರಿ ಬಿಗ್ ಬಾಸ್ ಮನೆಗೆ ಎಂಟ್ರಿ ಕೊಟ್ಟು ನರಕದ ಮನೆಯಲ್ಲಿದ್ದ ಎಲ್ಲಾ ವಸ್ತುಗಳನ್ನು ಧ್ವಂಸ ಮಾಡಿದ್ದಾರೆ. ಚೇಯರ್, ಮೇಜು ಸೇರಿದಂತೆ ಸಿಕ್ಕ ಸಿಕ್ಕ  ಎಲ್ಲಾ ಸಾಮಾಗ್ರಿಗಳನ್ನು ಪುಡಿ ಪುಡಿ ಮಾಡಿ,  ಅಡ್ಡಲಾಗಿದ್ದ ನರಕದ ಮನೆಯನ್ನೇ ಧ್ವಂಸ ಮಾಡಿದ್ದಾರೆ.

ಇದ್ದಕ್ಕಿದ್ದಂತೆ ಇದನ್ನು ನೋಡಿ ಬಿಗ್ ಬಾಸ್ ನಿವಾಸಿಗಳು ಮನುಷ್ಯತ್ವ ಇದೆಯೇ ಎಂದು ಹೇಳಿದ್ದಾರೆ.

11ರ ಬಿಗ್ ಬಾಸ್ ಮನೆಯಲ್ಲಿ ನೀವು ಎರಡು ವಾರ ಜೀವಿಸಿದ್ದೀರಿ. ಇಲ್ಲಿನ ಪ್ರತಿಕ್ಷಣವನ್ನು ಅನುಭವಿಸಿದ್ದೀರಿ ಎಂದು ಪ್ರೋಮೊದಲ್ಲಿ ಹೇಳಲಾಗಿದೆ.

ಇಂದು ರಾತ್ರಿ(ಅ.11 ರಂದು) ಈ ಸಂಚಿಕೆ ಪ್ರಸಾರವಾಗಲಿದೆ.