Advertisement
ತಾಲೂಕಿನಲ್ಲಿ ಒಟ್ಟು 100 ನ್ಯಾಯಬೆಲೆ ಅಂಗಡಿಗಳಿದ್ದು, ಪ್ರಸ್ತುತ ಮೂರು ದಿನಗಳಿಂದ ಸರ್ವರ್‌ ಸಮಸ್ಯೆಯಿಂದ ಬೆರಳಚ್ಚು ಸಂಗ್ರಹ ಪ್ರಕ್ರಿಯೆ ನಡೆದಿಲ್ಲ. ಕಳೆದ ಅಕ್ಟೋಬರ್‌ ತಿಂಗಳಲ್ಲಿ ಈ ಪ್ರಕ್ರಿಯೆ ಆರಂಭಗೊಳಿಸಲಾಗಿದ್ದು, ಆದರೆ ಸರ್ವರ್‌ ಸಮಸ್ಯೆ ಕಾಡುತ್ತಿರುವುದರಿಂದ ಬೆರಳಚ್ಚು ಸಂಗ್ರಹ ಪ್ರಕ್ರಿಯೆ ವೇಗವಾಗಿ ನಡೆದಿಲ್ಲ. ಜತೆಗೆ ಜನರೂ ಸೂಕ್ತ ರೀತಿಯ ಸ್ಪಂದನೆ ನೀಡಿಲ್ಲ.
ಸರಕಾರವು ಈ ಹಿಂದೆ ಬೆರಳಚ್ಚು ಸಂಗ್ರಹ ಪ್ರಕ್ರಿಯೆಗೆ ಜ. 31ರ ಗಡುವು ನೀಡಿದ್ದು, ಅದರ ದಿನಾಂಕ ಹತ್ತಿರ ಬರುತ್ತಿದ್ದಂತೆ ಒತ್ತಡ ಅಧಿಕಗೊಂಡು ಸರ್ವರ್‌ ಸಮಸ್ಯೆ ಕಂಡು ಬಂದಿದೆ ಎಂದು ಮೂಲಗಳು ತಿಳಿಸು ತ್ತಿದ್ದು, ಹೀಗಾಗಿ ದಿನಾಂಕವನ್ನು ಮಾ. 31ರ ವರೆಗೆ ವಿಸ್ತರಿಸುವ ಜತೆಗೆ ಸರ್ವರ್‌ ಬದಲಾವಣೆಗೂ ಮುಂದಾಗಿದೆ. ಹೀಗಾಗಿ ಮುಂದಿನ ದಿನಗಳಲ್ಲಿ ಈ ಪ್ರಕ್ರಿಯೆ ವೇಗವಾಗಿ ಸಾಗಬಹುದು ಎಂದು ಆಹಾರ ಶಾಖೆಯ ಸಿಬಂದಿ ನಿರೀಕ್ಷಿಸುತ್ತಿದ್ದಾರೆ. ಬಹುತೇಕ ನ್ಯಾಯಬೆಲೆ ಅಂಗಡಿಗಳು ಗ್ರಾಮೀಣ ಭಾಗ ದಲ್ಲೇ ಇರುವುದರಿಂದ ಕೆಲವೊಂದೆಡೆ ನೆಟ್‌ವರ್ಕ್‌ ಸಮಸ್ಯೆಗಳೂ ಕಾಡುತ್ತಿವೆ. ಈ ಕುರಿತು ಹಿಂದಿನಿಂದಲೂ ಆರೋಪಗಳು ಕೇಳಿಬರುತ್ತಿದ್ದು, ಹೀಗಾಗಿ ನೆಟ್‌ವರ್ಕ್‌ ಸಮಸ್ಯೆಗಳಿಗೂ ಪರಿಹಾರ ಕಲ್ಪಿಸುವ ಕಾರ್ಯ ನಡೆಯಬೇಕಿದೆ.
Related Articles
Advertisement
ಸರ್ವರ್‌ ಸಮಸ್ಯೆಗೆ ಪರಿಹಾರಅಕ್ಟೋಬರ್ನಲ್ಲಿ ಇ-ಕೆವೈಸಿ ಪ್ರಾರಂಭಗೊಂಡಿದ್ದು, ಸರ್ವರ್‌ ಸಮಸ್ಯೆಯಿಂದ ಕಳೆದ 3 ದಿನಗಳಲ್ಲಿ ಬೆರಳಚ್ಚು ಸಂಗ್ರಹ ಕಾರ್ಯ ನಡೆದಿಲ್ಲ. ಪ್ರಸ್ತುತ ಸರಕಾರದ ಸುತ್ತೋಲೆ ಬಂದಿದ್ದು, ಸರ್ವರ್‌ ಸಮಸ್ಯೆಗೆ ಪರಿಹಾರ ನೀಡಲು ತಂತ್ರಜ್ಞಾನ ಬದಲಾವಣೆ ಮಾಡಿ ಜ. 10ರ ಬಳಿಕ ಬೆರಳಚ್ಚು ಪ್ರಕ್ರಿಯೆ ವೇಗ ವಾಗಿ ಸಾಗುವ ಸಾಧ್ಯತೆ ಇದೆ.
- ಶ್ರೀನಿವಾಸ್‌, ಆಹಾರ ಶಿರಸ್ತೇದಾರರು, ತಾಲೂಕು ಕಚೇರಿ, ಬಂಟ್ವಾಳ