ಬಿಒಬಿ ನಿಶ್ಚಿತ ಠೇವಣಿ ಬಡ್ಡಿದರ ಹೆಚ್ಚಳ

ನವದೆಹಲಿ: ಬ್ಯಾಂಕ್‌ ಆಫ್ ಬರೋಡಾ ತನ್ನ ಗ್ರಾಹಕರ ನಿಶ್ಚಿತ ಠೇವಣಿಯ ಬಡ್ಡಿದರವನ್ನು ಹೆಚ್ಚಿಸಿದೆ. 2 ಕೋಟಿ ರೂ. ಒಳಗಿನ ಠೇವಣಿಗೆ ಬಡ್ಡಿದರವನ್ನು ಗುರುವಾರದಿಂದಲೇ ಹೆಚ್ಚಿಸಲಾಗಿದೆ.

ಪರಿಷ್ಕೃತ ದರದ ಪ್ರಯುಕ್ತ, 7ರಿಂದ 45 ದಿನಗಳವರೆಗಿನ ಠೇವಣಿಗೆ ಶೇ.3 (ಹಿರಿಯ ನಾಗರಿಕರಿಗೆ ಶೇ.3.5), 45ರಿಂದ 180 ದಿನಗಳ ಠೇವಣಿಗೆ ಶೇ.4(ಹಿರಿಯ ನಾಗರಿಕರಿಗೆ ಶೇ.4.5), 181ರಿಂದ 1 ವರ್ಷದವರೆಗಿನ ಠೇವಣಿಗೆ ಶೇ.4.65(ಹಿರಿಯ ನಾಗರಿಕರಿಗೆ ಶೇ.5.15), 1 ವರ್ಷದ ಠೇವಣಿಗೆ ಶೇ.5.30 (ಹಿರಿಯ ನಾಗರಿಕರಿಗೆ ಶೇ.5.80), ವರ್ಷದಿಂದ 1 ವರ್ಷದವರೆಗೆ ಶೇ.5.45 (ಹಿರಿಯ ನಾಗರಿಕರಿಗೆ ಶೇ.5.95), 2ರಿಂದ 10 ವರ್ಷದವರೆಗೆ ಶೇ.5.50 (ಹಿರಿಯ ನಾಗರಿಕರಿಗೆ ಶೇ.6), 10 ವರ್ಷ ಮೇಲ್ಪಟ್ಟ ಠೇವಣಿಗೆ ಶೇ.5.10 (ಹಿರಿಯ ನಾಗರಿಕರಿಗೆ ಶೇ.5.60) ಬಡ್ಡಿ ನೀಡಲಾಗುವುದು.