ಡೇ-ನೈಟ್‌ ಪಂದ್ಯಕ್ಕೆ ಬಾಂಗ್ಲಾ ಪ್ರಧಾನಿ ಅತಿಥಿ; ಮೋದಿ ಗೈರು

ಕೋಲ್ಕತಾ: ಕೋಲ್ಕತಾದ ಈಡನ್‌ ಗಾರ್ಡನ್ಸ್‌ನಲ್ಲಿ ನಡೆಯ ಲಿರುವ ಭಾರತ- ಬಾಂಗ್ಲಾ ನಡುವಿನ ಟೆಸ್ಟ್‌ ಪಂದ್ಯವನ್ನು ಬಾಂಗ್ಲಾ ಪ್ರಧಾನಿ ಶೇಖ್‌ ಹಸೀನಾ ಉದ್ಘಾಟಿ ಸಲಿದ್ದಾರೆ. ಅವರು ಬಂಗಾಲ ಕ್ರಿಕೆಟ್‌ ಮಂಡಳಿ (ಕ್ಯಾಬ್‌) ನೀಡಿದ ಆಹ್ವಾನ ವನ್ನು ಸ್ವೀಕರಿಸಿದ್ದಾಗಿ ಬಾಂಗ್ಲಾ ಕ್ರಿಕೆಟ್‌ ಮಂಡಳಿ ತಿಳಿಸಿದೆ.

ಪ. ಬಂಗಾಲದ ಸಿಎಂ ಮಮತಾ ಬ್ಯಾನರ್ಜಿ ಅವರಿಗೂ ಆಹ್ವಾನ ನೀಡಲಾಗಿದೆ. ಆದರೆ “ಕ್ಯಾಬ್‌’ ಮೂಲಗಳ ಪ್ರಕಾರ ಭಾರತದ ಪ್ರಧಾನಿ ಮೋದಿ ಅವರಿಗೆ ಈಡನ್‌ಗೆ ಆಗಮಿಸಲು ಸಾಧ್ಯವಾಗದು.

ಶೇಖ್‌ ಹಸೀನಾ ಪಂದ್ಯದ ಮೊದಲ ದಿನ ಬೆಳಗ್ಗೆ 7 ಗಂಟೆಗೆ ಕೋಲ್ಕತಾಕ್ಕೆ ಆಗಮಿಸಲಿದ್ದು, ಪಂದ್ಯ ವನ್ನು ಉದ್ಘಾಟಿಸಿ, ಸ್ವಲ್ಪ ಹೊತ್ತು ವೀಕ್ಷಿಸಿದ ಬಳಿಕ ಅದೇ ವಿಮಾನದಲ್ಲಿ ಢಾಕಾಕ್ಕೆ ವಾಪಸಾಗಲಿದ್ದಾರೆ ಎಂದು ಮಾಧ್ಯಮ ಕಾರ್ಯದರ್ಶಿ ಇಹ್ಸಾನುಲ್‌ ಕರೀಂ ಹೇಳಿದ್ದಾರೆ.

“ಗಂಗೂಲಿ ನನಗೆ ಆಹ್ವಾನ ನೀಡಿದ್ದಾರೆ. ಅವರೀಗ ಬಿಸಿಸಿಐ ನೂತನ ಅಧ್ಯಕ್ಷ. ಒಂದು ಕಾಲದ ಖ್ಯಾತ ಕ್ರಿಕೆಟಿಗ. ಈ ಆಹ್ವಾನವನ್ನು ಸ್ವೀಕರಿಸಿ ಖಂಡಿತ ವಾಗಿಯೂ ಪಂದ್ಯ ಉದ್ಘಾಟಿಸಲು, ವೀಕ್ಷಿಸಲು ಆಗಮಿಸುವುದಾಗಿ ಹೇಳಿದ್ದೇನೆ’ ಎಂಬುದಾಗಿ ಹಸೀನಾ ಢಾಕಾದಲ್ಲಿ ಮಾಧ್ಯಮಗಳಿಗೆ ತಿಳಿಸಿದ್ದಾರೆ.