Bangla:ಹಿಂದೂ, ಮುಸ್ಲಿಮರಿಂದ ಢಾಕೇಶ್ವರಿ ದೇಗುಲ ರಕ್ಷಣೆ

ಢಾಕಾ: ಇತ್ತೀಚಿನ ವಿದ್ಯಾರ್ಥಿಗಳ ಪ್ರತಿ ಭಟನೆ ವೇಳೆ ಉಂಟಾದ ಹಿಂಸಾಚಾರ ದಲ್ಲಿ ಬಾಂಗ್ಲಾದೇಶದ ಶತಮಾನಗಳಷ್ಟು ಹಳೆಯದಾದ ಢಾಕೇಶ್ವರಿ ದೇಗುಲ ವನ್ನು ಅನೇಕ ಹಿಂದೂಗಳು ಮತ್ತು ಸ್ಥಳೀಯ ಮುಸ್ಲಿಮರು ಒಟ್ಟುಗೂಡಿ ಕಾಯ್ದಿದ್ದಾರೆ. ಢಾಕೇಶ್ವರಿ ದೇಗುಲ ದಿಂದಾಗಿಯೇ ನಗರಕ್ಕೆ ಢಾಕಾ ಎಂಬ ಹೆಸರು ಬಂತು ಎಂದು ಹೇಳ ಲಾಗುತ್ತದೆ.

ಸರಕಾರಿ ವಿರೋಧಿ ಪ್ರತಿಭಟನೆಗಳು ಆ.5ರಂದು ತೀವ್ರಗೊಂಡಿತು. ಅಂದು ಪ್ರಧಾನಿ ಶೇಖ್‌ ಹಸೀನಾ ದೇಶ ಬಿಟ್ಟು ಭಾರತಕ್ಕೆ ಓಡಿ ಹೋದರು. ಎಲ್ಲ ಕಡೆ ಹಿಂಸಾಚಾರವೇ ಇತ್ತು. ನಾನು ಆಗ ದೇಗುಲದಲ್ಲೇ ಇದ್ದೆ. ನಮ್ಮ ಹಳೆಯ ದೇಗುಲ ಮತ್ತು ಮೂರ್ತಿಗಳ ರಕ್ಷಣೆ ಕುರಿತು ಆತಂಕಿತನಾಗಿದ್ದೆ. ದೇಗುಲ ಸಮಿತಿ ಸದಸ್ಯರು ಹಾಜರಿದ್ದರು. ನಾವು ಬಾಗಿಲು ಬಂದ್‌ ಮಾಡಿದೆವು. ದೇವಾ ಲಯದ ಮುಖ್ಯ ಗೇಟ್‌ ಕೂಡ ಬಂದ್‌ ಮಾಡಿದೆವು ಎಂದು ಮುಖ್ಯ ಅರ್ಚಕ ಅಶಿಮ್‌ ಮೈತ್ರೋ ಹೇಳಿದ್ದಾರೆ.

ಸುರಕ್ಷತೆಗೆ ಪೊಲೀಸರು ಇರಲೇ ಇಲ್ಲ. ಎಲ್ಲವೂ ಅಸ್ತವ್ಯಸ್ತವಾಗಿತ್ತು. ಆಗ ಸ್ಥಳೀಯ ಮುಸ್ಲಿಮರು ಮತ್ತು ಹಿಂದೂಗಳು ಒಂದುಗೂಡಿ ದೇಗುಲದ ರಕ್ಷಣೆಗೆ ನಿಂತರು ಎಂದು ಅರ್ಚಕರು ಹೇಳಿದ್ದಾರೆ.