ಬೆಂಗಳೂರು ವಿಶ್ವವಿದ್ಯಾಲಯ; ಪರೀಕ್ಷೆ ದಿನವೇ ಫ‌ಲಿತಾಂಶ!

ಬೆಂಗಳೂರು: ಬೆಂಗಳೂರು ವಿಶ್ವವಿದ್ಯಾಲಯವು ಶುಕ್ರವಾರ ಸ್ನಾತಕೋತ್ತರ ಪದವಿ ಭೌತಶಾಸ್ತ್ರ ವಿಭಾಗದ 4ನೇ ಸೆಮಿಸ್ಟರ್‌ ಪರೀಕ್ಷೆ ಫಲಿತಾಂಶ ಪ್ರಕಟಿಸಿದೆ.

ನ. 3ರಿಂದ 25 (ಶುಕ್ರವಾರ)ರವರೆಗೆ ಪರೀಕ್ಷೆ ನಡೆದಿತ್ತು. ಪರೀಕ್ಷೆ ಮುಗಿದ ದಿನವೇ ಫಲಿತಾಂಶವನ್ನೂ ನೀಡಿದೆ. ವಿದ್ಯಾರ್ಥಿಗಳು ಬೆಂಗಳೂರು ವಿವಿ ವೆಬ್‌ಸೈಟ್‌ https://bangaloreuniversity.ac.in/ನಲ್ಲಿ ಫ‌ಲಿತಾಂಶ ವೀಕ್ಷಿಸಬಹುದು.

ಆಮಂತ್ರಣ ಪಡೆಯಲು ಸೂಚನೆ: ಬೆಂಗಳೂರು ವಿಶ್ವವಿದ್ಯಾಲಯ 57ನೇ ಘಟಿಕೋತ್ಸವವು ಡಿ.5ರಂದು ನಡೆಯಲಿದ್ದು, ಎಲ್ಲ ಚಿನ್ನದ ಪದಕ ವಿಜೇತ, ರ್‍ಯಾಂಕ್‌, ಪಿಎಚ್‌ಡಿ ಪದವಿ ಪಡೆಯಲು ಅರ್ಹರಾಗಿರುವ ವಿದ್ಯಾರ್ಥಿಗಳು ನ. 30ರ ಒಳಗೆ ವಿವಿಗೆ ಖುದ್ದಾಗಿ ಆಗಮಿಸಿ ಆಮಂತ್ರಣ ಮತ್ತು ಬ್ಯಾಡ್ಜ್ಗಳನ್ನು ಪಡೆದುಕೊಳ್ಳುವಂತೆ ಸೂಚಿಸಿದೆ.