ಮೈಲಾರ ಜಾತ್ರೆಗೆ ಅಧಿಕೃತ ಚಾಲನೆ

ಹೂವಿನಹಡಗಲಿ: ತಾಲೂಕಿನ ಸುಕ್ಷೇತ್ರ ಮೈಲಾರ ಗ್ರಾಮದಲ್ಲಿ ರಥ ಸಪ್ತಮಿಯಂದು ಶ್ರೀ ಮೈಲಾರಲಿಂಗೇಶ್ವರ ದೇವಸ್ಥಾನದಲ್ಲಿ ಹಾಲು ಉಕ್ಕಿಸಿ,
ಸ್ವಾಮಿಗೆ ವಿಶೇಷ ಪೂಜೆ ಸಲ್ಲಿಸಿ ಜಾತ್ರೆಗೆ ಅಧಿಕೃತ ಚಾಲನೆ ನೀಡಲಾಯಿತು.

ಪೂಜೆ ನಂತರದಲ್ಲಿ ಕಾರ್ಣಿಕ ಹೇಳುವ ಗೊರಯ್ಯ ರಾಮಣ್ಣನಿಗೆ ವಂಶ ಪಾರಂಪರ್ಯ ಧರ್ಮಕರ್ತ ಶ್ರೀಗುರು ವೆಂಕಪ್ಪಯ್ಯ ಒಡೆಯರ್‌ ಕಂಕಣಧಾರಣೆ ಮಾಡಿದರು. ಗೊರವಯ್ಯನು ನುಡಿಯುವ ದೈವವಾಣಿಯ 11 ಅಡಿ ಎತ್ತರ ಬಿಲ್ಲ ಅನ್ನು ಪೂಜೆ ಮಾಡಲಾಯಿತು. ನಂತರದಲ್ಲಿ ದೇವಸ್ಥಾನದ ಬಾಬುದಾರರಿಗೆ. ಕಂಚಾವೀರರಿಗೆ ಕಂಕಣಧಾರಣೆ ಮಾಡಿದರು. ಈ ಸಂದರ್ಭದಲ್ಲಿ ಧಾರ್ಮಿಕ ದತ್ತಿ ಇಲಾಖೆ ಸಹಾಯಕ ಆಯುಕ್ತ ಎಂ.ಎಚ್‌ ಪ್ರಕಾಶ್‌ ರಾವ್‌, ಕಾರ್ಯನಿರ್ವಾಹಕ ಆಧಿಕಾರಿ ಗಂಗಾಧರ ಹಾಜರಿದ್ದರು.

ನಿಷೇಧಾಜ್ಞೆ: ಕೊರೊನಾ ಹಿನ್ನೆಲೆಯಲ್ಲಿ ಫೆ.19ರಿಂದ ಮಾ.2ರ ವರೆಗೂ ಮೈಲಾರ ಸುಕ್ಷೇತ್ರದಲ್ಲಿ ಹೊರಗಿನ ಭಕ್ತರು ಸುಕ್ಷೇತ್ರಕ್ಕೆ ಬಾರದಂತೆ ನಿರ್ಬಂಧ ಹೇರಲಾಗಿದೆ. ಈ ಹಿನ್ನೆಲೆಯಲ್ಲಿ ಸುಕ್ಷೇತ್ರದ ನಾಲ್ಕು ಕಡೆಯಲ್ಲಿ ಬ್ಯಾರಿಕೇಡ್‌ ನಿರ್ಮಾಣ ಮಾಡಲಾಗಿದೆ. ಹೊರಗಡೆಯಿಂದ ಬರುವವರ ತಪಾಸಣೆ ಕಾರ್ಯ ಸಹ ನಡೆಯುತ್ತಿದೆ. ಜಾತ್ರೆ ನಿಮಿತ್ತ ಧಾರ್ಮಿಕ ಆಚರಣೆಗಳನ್ನು ಮಾತ್ರ ನಡೆಸಲು ಅವಕಾಶ ನೀಡಲಾಗಿದೆ. ಹೊರಗಿನ ಯಾವುದೇ ಭಕ್ತರ ಆಗಮನ ನಿಷೇಧಿಸಲಾಗಿದೆ.

ಓದಿ : ಅಂಗನವಾಡಿ ಮಕ್ಕಳೊಂದಿಗೆ ಹೆಸರುಕಾಳು ತಿಂದ ಜಿಲ್ಲಾಧಿಕಾರಿ