Advertisement
ಹತ್ತಿರವೇ ಸೌಲಭ್ಯವಿದ್ದರೂ ದೂರ ಹೋಗುವುದು ಯಾಕೆ ಎಂಬುದು ಇಲ್ಲಿಯ ಜನರ ಬಲವಾದ ಪ್ರಶ್ನೆಯಾಗಿದೆ. ಇಲ್ಲಿಯ ಜನರು ಚಿಕ್ಕ ಪುಟ್ಟ ಮೊಬೈಲ್‌ ಕಳವು, ಪಾಸ್‌ಪೋರ್ಟ್‌ ಅರ್ಜಿ ಪರಿಶೀಲನೆ, ದಾಖಲೆಗಳ ಕಳುವಿನ ದೂರು ಸೇರಿದಂತೆ ಪ್ರತಿಯೊಂದಕ್ಕೂ ತೇರದಾಳ ಪಟ್ಟಣಕ್ಕೆ ಹೋಗಬೇಕಿದೆ. ಇದರಿಂದಾಗಿ ಈ ಭಾಗದ ನೇಕಾರರು, ರೈತರು, ಶಾಲಾ-ಕಾಲೇಜು ವಿದ್ಯಾರ್ಥಿಗಳು, ವ್ಯಾಪಾರಸ್ಥರಿಗೆ ಮತ್ತು ಮಹಿಳೆಯರಿಗೆ ತೊಂದರೆಯಾಗಿದೆ.
ಸಂಬಂಧಪಟ್ಟ ಅಧಿಕಾರಿಗಳು ಇಲಾಖೆ ಮೇಲಧಿಕಾರಿಗಳ ಗಮನ ಸೆಳೆಯಬೇಕು ಇಲ್ಲವೇ ಪ್ರತ್ಯೇಕ ಠಾಣೆಗಾಗಿ ನಿರಂತರ-ಗಟ್ಟಿ ಹೋರಾಟದ ನಿಟ್ಟಿನಲ್ಲಿ ಸ್ಥಳೀಯ ಮುಖಂಡರು ಗಮನ ಹರಿಸಬೇಕಿದೆ. ರಬಕವಿಯಲ್ಲಿ ಪೊಲೀಸ್‌ ಠಾಣೆ ನಿರ್ಮಾಣಕ್ಕೆಂದು ಇಲ್ಲಿನ ದುರಡಿ ಸಹೋದರರು ಹೊಸ ಬಸ್‌ ನಿಲ್ದಾಣ ಮಾರ್ಗದಲ್ಲಿ ಭೂಮಿ ದಾನವಾಗಿ ನೀಡಿದ್ದಾರೆ. ಸದ್ಯ ಇಲ್ಲಿ ರಬಕವಿ ಔಟ್‌ಪೋಸ್ಟ್‌ ಸ್ಥಳ ಎಂದು ನಾಮಫಲಕ ಹಾಕಲಾಗಿದೆ. ಇಲ್ಲಿಯಾದರೂ ಪೊಲೀಸ್‌ ನಿರ್ಮಾಣಗೊಂಡರೆ ರಬಕವಿ ಜನರಿಗೆ ಅನುಕೂಲ ಆಗುವುದರಲ್ಲಿ ಸಂದೇಹವಿಲ್ಲ.
Related Articles
*ವಿಜಯ ಹೂಗಾರ, ವಕೀಲರು, ರಬಕವಿ
Advertisement
ಜಿಲ್ಲೆಯ ರಬಕವಿ ಪಟ್ಟಣದ ಜನರು, ಪೊಲೀಸ್‌ ಠಾಣೆಗೆ ಸಂಬಂಧಿಸಿದ ಕೇಸ್‌ ಗಳಿಗಾಗಿ ತೇರದಾಳಕ್ಕೆ ಹೋಗಬೇಕು. ಅದುಆ ಠಾಣೆಯ ವ್ಯಾಪ್ತಿಯಲ್ಲಿದೆ. ರಬಕವಿಯಲ್ಲಿ ಸದ್ಯ ಹೊರ ಠಾಣೆ ಮಾತ್ರವಿದೆ. ರಬಕವಿಯಲ್ಲಿ ಹೊಸ ಠಾಣೆ ಸ್ಥಾಪನೆಯಾಗಲಿ, ತೇರದಾಳ ಠಾಣೆ ವ್ಯಾಪ್ತಿಯಿಂದ ಬನಹಟ್ಟಿ ಠಾಣೆ ವ್ಯಾಪ್ತಿಗೆ ಸೇರಿಸುವ ಕುರಿತಾಗಲಿ, ಅಲ್ಲಿಯ ಸಾರ್ವಜನಿಕರು ಮನವಿ ಪತ್ರ ನೀಡಿದರೆ, ಪರಿಶೀಲಿಸಿ ಕ್ರಮ ಕೈಗೊಳ್ಳಲಾಗುವುದು.
ಜಯಪ್ರಕಾಶ ಹಕ್ಕರಕಿ, ಎಸ್ಪಿ, ಬಾಗಲಕೋಟ ನಾಲ್ಕೂವರೆ ದಶಕಗಳ ಹಿಂದಿನ ಬೇಡಿಕೆ ಈಡೇರಿಸುವಲ್ಲಿ ಸರ್ಕಾರ ಗಮನ ನೀಡುತ್ತಿಲ್ಲ. ರಬಕವಿ ಜನರಲ್ಲಿ ಪೊಲೀಸ್‌ ಠಾಣೆ ಸ್ಥಾಪನೆಗೆ ಹೋರಾಟದ ಕೊರತೆಯಾಗಿದೆ. ಈ ಭಾಗಕ್ಕೆ ಬರುವ ಜಿಲ್ಲಾ ಪೊಲೀಸ್‌ ವರಿಷ್ಠಾಧಿಕಾರಿಗಳಿಗೆ, ಸಚಿವರಿಗೆ ಮತ್ತು ಶಾಸಕರಿಗೆ ಮನವಿ ನೀಡುವ ಕಾರ್ಯ ಮಾತ್ರ ನಡೆದಿದೆ ಹೊರತು ನಿರಂತರ ಹೋರಾಟ ನಡೆಯದೆ ಇರುವುದು ವಿಳಂಬಕ್ಕೆ ಕಾರಣವಾಗಿದೆ. *ಕಿರಣ ಶ್ರೀಶೈಲ ಆಳಗಿ